అల్లు అర్జున్ 'రేసుగుర్రం'తో విల‌న్‌గా ప‌రిచ‌య‌మైన బోజ్‌పురి న‌టుడు ర‌వికిష‌న్‌. త‌ర్వాత ఈ యాక్ట‌ర్ ప‌లు తెలుగు చిత్రాల్లో త‌న‌దైన విల‌క్ష‌ణ న‌ట‌న‌తో ప్రేక్ష‌కుల‌ను మెప్పించిన సంగ‌తి తెలిసిందే. తాజాగా ఈ న‌టుడు చిరంజీవి 'సైరా న‌ర‌సింహారెడ్డి'లో ఓ కీల‌క పాత్ర‌లో న‌టించ‌బోతున్నాడ‌ట‌.

సురేంద‌ర్ రెడ్డి ద‌ర్శ‌క‌త్వంలో రామ్‌చ‌ర‌ణ్ నిర్మిస్తున్న ఈ చిత్రంలో చిరంజీవి స్వాతంత్ర్య స‌మ‌ర‌యోధుడు ఉయ్యాల‌వాడ న‌ర‌సింహారెడ్డి పాత్ర‌లో క‌నిపించ‌బోతున్నారు.

ఇందులో ర‌వికిష‌న్ నెగ‌టివ్ షేడ్ ఉన్న పాత్ర‌లో న‌టిస్తున్నాడు. అందుకు సంబంధించిన స‌న్నివేశాల‌ను యూనిట్ చిత్రీక‌రిస్తుంది. చిరంజీవితో పాటు న‌య‌న‌తార‌, అమితాబ్‌, కిచ్చా సుదీప్‌, విజ‌య్ సేతుప‌తి, త‌మ‌న్నా త‌దిత‌రులు న‌టిస్తున్నారు.