వీడియో చూసి ఎమోష‌న‌ల్ ట్వీట్ చేసిన బ‌న్నీ..
- IndiaGlitz, [Tuesday,February 11 2020]
ఈ సంక్రాంతికి స్టైలిష్ స్టార్ అల్లు అర్జున్ హీరోగా న‌టించిన చిత్రం 'అల వైకుంఠ‌పుర‌ములో'. బాక్సాఫీస్ వ‌ద్ద ఈ సినిమా భారీ విజ‌యాన్ని సాధించింది. సినిమా కంటే ముందే త‌మ‌న్ సంగీతం అందించిన ఈ సినిమా పాటలు సెన్సేష‌న‌ల్ హిట్ అయ్యాయి. ముఖ్యంగా 'సామ‌జ‌వ‌ర‌గ‌మ‌న...', 'రాములో రాములా ...' పాటలు సినిమా విడుద‌ల‌కు ముందు సెన్సేష‌న్ క్రియేట్ చేస్తే సినిమా రిలీజ్ త‌ర్వాత బుట్ట‌బొమ్మ సాంగ్ పెద్ద సెన్సేష‌న్ అయ్యింది. ఎంత‌లా అంటే బాలీవుడ్ బ్యూటీ శిల్పాశెట్టి స‌హా ప్ర‌తి ఒక్క‌రూ ఈ పాట‌కు టిక్ టాక్ వీడియోలు చేసేంత‌గా.
తాజాగా ఇద్ద‌రు దివ్యాంగులు ఈ పాట‌కు డాన్స్ చేశారు. కాళ్లు లేని యువ‌కుడు.. చేతులు లేని అమ్మాయి చేసిన డాన్స్ వీడియోను టిక్ టాక్‌లో అప్‌లోడ్ చేశారు. ఈ వీడియో అటు ఇటు చేరి బ‌న్నీ చెంత‌కు చేరింది. వీడియో చూసిన బ‌న్నీ ఎమోష‌న్ అయ్యారు. ఆ వీడియోను త‌న ట్విట్ట‌ర్‌లో పోస్ట్ చేస్తూ ''ఈ బుట్ట‌బొమ్మ వీడియో నా మ‌న‌సుని తాకింది. సంగీతం మ‌న వైక‌ల్యాన్ని జ‌యిస్తుంది. వీడియో చూసి సంతోషించాను. ఇన్‌స్పైరింగ్‌గా అనిపించింది'' అంటూ మెసేజ్ కూడా పోస్ట్ చేసి త‌న అభిమానుల‌తో విష‌యాన్ని పంచుక‌న్నారు. ఇప్పుడు ఈ వీడియో సోషల్ మీడియాలో ట్రెండ్ అవుతోంది.
అల్లుఅర్జున్‌, త్రివిక్ర‌మ్ కాంబినేష‌న్‌లో అల్లు అర‌వింద్‌, ఎస్‌.రాధాకృష్ణ నిర్మించిన ఈ చిత్రం రూ.200 కోట్ల‌కు పైగా వ‌సూళ్ల‌ను సాధించింది. ఇందులో పూజా హెగ్డే హీరోయిన్‌గా నటించింది.
This was the most heart touching one of all the #ButtaBomma Video’s . I felt so happy to see that music takes us farrr beyond our limits. #Inspiring pic.twitter.com/67tawEvkPP
— Allu Arjun (@alluarjun) February 10, 2020