'నా పేరు సూర్య నా ఇల్లు ఇండియా' చిత్రం త‌ర్వాత బ‌న్ని మ‌రో సినిమాను చేయ‌లేదు. కాస్త గ్యాప్ తీసుకున్నాడు. మ‌ధ్యలో చాలా క‌థ‌ల‌నే విన్నాడు.

విక్ర‌మ్ కుమార్‌తో సినిమా చేయాల‌నుకున్నాడు కూడా. అయితే చివ‌ర‌కు బ‌న్ని యూ ట‌ర్న్ తీసుకుని త్రివిక్ర‌మ్ సినిమా చేయాల‌నుకున్నాడు. దాదాపు స్క్రిప్ట్ అంతా ఓకే అయ్యింది.

అయితే ఈ సినిమాకు మూలం ఓ హిందీ సినిమా నుండి త్రివిక్ర‌మ్ తీసుకోబోతున్న‌ట్లు స‌మాచారం. 'సోను కె టిటు కి స్వీటీ' సినిమా లైన్‌ను తీసుకుని తెలుగు నెటివిటీకి త‌గిన‌ట్లు త్రివిక్ర‌మ్ మార్చాల‌నుకుంటున్నాడు.

అయితే ఈ బాలీవుడ్ చిత్రం టి సిరీస్ వారిది.. సద‌రు సంస్థ మూవీ నిర్మాణంలో భాగ‌స్వామ్యం అడుగుతుంద‌ట‌. కాబ‌ట్టి ఆ దిశ‌గా చ‌ర్చ‌లు జ‌రుగుతున్నాయి. త్వ‌ర‌లోనే దీని పై ఓ క్లారిటీ రానుంది.