కరోనా మహమ్మారి దేశ వ్యాప్తంగా విజృంభణ కొనసాగిస్తోంది. రోజుకు రెండున్నర లక్షలకు పైగా కేసులు నమోదవుతూ ఆందోళనకు గురి చేస్తోంది. ఇప్పటికే పలువురు ప్రముఖ రాజకీయ నేతలు, సినీ ప్రముఖులు కరోనా బారిన పడుతున్నారు. ఇప్పటికే పవర్ స్టార్ పవన్ కల్యాణ్, పూజా హెగ్డే, బండ్ల గణేష్, అల్లు అరవింద్ తదితరులు కరోనా బారిన పడిన విషయం తెలిసిందే. తాజాగా స్టైలిష్ స్టార్ అల్లు అర్జున్‌కు కరోనా పాజిటివ్‌గా నిర్ధారణ అయింది. ఈ విషయాన్ని బన్నీ స్వయంగా ట్విటర్ వేదికగా వెల్లడించాడు.

ప్రస్తుతం తాను హోం ఐసోలేషన్‌లో ఉన్నానని బన్నీ తెలిపాడు. రీసెంట్‌గా తనను కాంటాక్ట్ అయిన వారందరూ టెస్ట్ చేయించుకోవాలని బన్నీ తెలిపాడు. ప్రస్తుతం తాను బాగానే ఉన్నానని.. ఆందోళన చెందవద్దని అభిమానులకు తెలిపాడు. ‘‘హాయ్ ఎవ్రీ వన్. నాకు కోవిడ్ పాజిటివ్‌గా నిర్ధారణ అయింది. నేను ప్రస్తుతం హోం ఐసోలేషన్‌లో ఉన్నాను అలాగే ప్రోటోకాల్స్ అన్నీ పాటిస్తున్నాను. ఇటీవలి కాలంలో నన్ను కలిసిన వారంతా వెళ్లి టెస్ట్ చేయించుకోండి. ఇంట్లోనే ఉండండి, సేఫ్‌గా ఉండండి. అవకాశం వచ్చిన వెంటనే వ్యాక్సిన్ వేయించుకోండి. నా వెల్ విషర్స్, అభిమానులు ఆందోళన చెందవద్దు. నేను బాగానే ఉన్నాను’’ అని అల్లు అర్జున్ ట్వీట్‌లో పేర్కొన్నాడు.

Hello everyone!
I have tested positive for Covid. I have isolated myself.
I request those who have come in contact with me to get tested.
I request all my well wishers and fans not to worry as I am doing fine . Stay home, stay safe . pic.twitter.com/CAiKD6LzzP

— Allu Arjun (@alluarjun) April 28, 2021