ఈ ఏడాది 'అల వైకుంఠపురములో' సినిమాతో నాన్‌ 'బాహుబలి' రికార్డులు క్రియేట్‌ చేసిన బన్నీ వెయిటింగ్‌ ఉండి దాదాపు ఏడాది కావస్తుంది. మరో పక్క 'రంగస్థలం' తర్వాత సుకుమార్‌ మరో సినిమానే చేయలేదు. వీరిద్దరూ ప్యాన్‌ ఇండియా మూవీగా 'పుష్ప' సినిమా చేయాలనుకుంటే కోవిడ్‌ కారణంగా సినిమా షూటింగ్‌ ఆరేడు నెలలు స్టార్ట్‌ కానేలేదు. కేరళకు వెళ్లకుండా మారేడుమిల్లిలో చిత్ర యూనిట్‌ షూటింగ్‌ను స్టార్ట్‌ చేసింది. అయితే సినిమా షూటింగ్‌కు కరోనా ఎఫెక్ట్‌ తగిలింది. దీంతో షూటింగ్‌ను ఆపేసిన యూనిట్‌ హైదరాబాద్‌ చేరుకున్నారు. తర్వాత పుష్ప షూటింగ్‌ గురించి అప్‌డేట్‌ లేదు కానీ.. ఇండస్ట్రీ వర్గాల సమాచారం మేరకు బన్నీ అండ్‌ టీమ్‌ ఈసారి మారేడు మిల్లికి వెళ్లకుండా హైదరాబాద్‌ శివారు ప్రాంతాల్లోనే షూటింగ్‌ను చేస్తారట. రెండురోజుల్లో పుష్ప షూటింగ్‌ రీస్టార్ట్‌ అవుతుందని సమాచారం. ఈసారి మరింత కట్టుదిట్టంగా.. తగు జాగ్రత్తలతో వీలైనంత మంది తక్కువ క్రూతో సుకుమార్‌ ఈ సినిమాను తెరకెక్కించాలని ప్లాన్‌ చేస్తున్నాడట.

చిత్తూరు జిల్లాశేషాచ‌ల అడ‌వుల్లో జ‌రిగే ఎర్ర‌చంద‌నం స్మగ్లింగ్‌పైనే ఈసినిమా ప్ర‌ధాన కథాంశం ర‌న్ అవుతుంది. ఇందులో బ‌న్నీ పాత్ర‌ను.. ఎర్ర‌చంద‌నం స్మ‌గ్లింగ్ చేసే కూలీగా చేరి త‌ర్వాత లారీ డ్రైవ‌ర్‌గా మారి, త‌ర్వాత పెద్ద స్మ‌గ్ల‌ర్ రేంజ్‌కు ఎలా చేరుకున్నాడ‌నేలా సుక్కు తీర్చిదిద్దార‌ట‌.