అల్లు అర్జున్-సుకుమార్ కాంబో కథ మారింది!
- IndiaGlitz, [Tuesday,September 10 2019]
స్టైలిష్ స్టార్ అల్లు అర్జున్‌తో దర్శకుడు సుకుమార్ కాంబోలో సినిమా వస్తున్న విషయం తెలిసిందే. త్రివిక్రమ్ దర్శకత్వంలో ‘అల .. వైకుంఠపురములో’ సినిమా పూర్తయిన తర్వాత సుక్కు రంగంలోకి దిగి పట్టాలెక్కించాలని భావిస్తున్నాడు. ఇప్పటికే కథలు చెప్పడం.. వినడం అంతా అయిపోయింది. అయితే కథ మొత్తం డిఫరెంట్‌గా స్మగ్లింగ్ నేపథ్యంలో ఉండటంతో కాసింత జంకిన బన్నీ.. కథ ఇలా కాదు చాలా మార్పులు చేయాలని సుక్కుకు సూచించాడు. అంతేకాదు ‘ఆర్య’, ‘ఆర్య-02’ రేంజ్ లవ్ ట్రాక్ ఉండాలని ఉదహరించి మరీ సుక్కుకు అల్లువారబ్బాయి వివరించాడట.
అయితే కథ మొత్తం మార్చేసిన సుక్కు రెండోసారి బన్నీ దగ్గరికెళ్లగా.. గ్రీన్ సిగ్నల్ ఇచ్చినట్లు తెలుస్తోంది. కథ మొత్తం ఆర్య సిరీస్ సినిమాల్లాగానే కాస్త అటు ఇటు ఉంటుందట. బన్నీ గ్రీన్ సిగ్నల్ ఇవ్వడంతో తదుపరి పనులపై సుక్కు దృష్టి పెట్టాడట. అయితే స్టోరీ మెగాభిమానులను.. మరీ ముఖ్యంగా యూత్‌ను, ప్రేమ జంటలను ఏ మాత్రం మెప్పిస్తుందో వేచి చూడాల్సిందే మరి.