క‌రోనా ఎఫెక్ట్‌తో కొనసాగుతున్న లాక్‌డౌన్ వ‌ల్ల సినిమాల షూటింగ్స్‌కు తెలంగాణ ప్ర‌భుత్వం ఓకే చెప్పింది. విధి విధానాలు ప్ర‌క‌టించాల్సి ఉంది. ఈ త‌రుణంలో కొంద‌రు ద‌ర్శ‌క నిర్మాత‌లు సినిమాల‌ను సెట్స్ పైకి తీసుకెళ్లాల‌ని అనుకుంటున్నారు. మ‌రో ప‌క్క బ‌న్నీ త‌న పాన్ ఇండియా చిత్రం పుష్ప‌ను స్టార్ట్ చేస్తాడ‌ని భావించారు. అయితే బ‌న్నీ, సుకుమార్ అండ్ టీమ్ ఏదో త్వ‌ర త్వ‌ర‌గా సినిమా చేసేయాల‌ని అనుకోవ‌డం లేద‌ట‌. ఇంకా ప‌రిస్థితులు చ‌క్క‌బ‌డ్డ త‌ర్వాత సినిమా షూటింగ్ స్టార్ట్ చేయ‌మ‌ని బ‌న్నీ ద‌ర్శ‌క నిర్మాత‌లకు చెప్పిన‌ట్లు వార్త‌లు వినిపిస్తున్నాయి. ఎర్ర‌చంద‌నం స్మ‌గ్లింగ్ నేప‌థ్యంలో సాగే పుష్ప చిత్రంలో ర‌ష్మిక మంద‌న్న హీరోయిన్‌గా న‌టిస్తుంది. ఆర్య‌, ఆర్య‌2 చిత్రాల త‌ర్వాత బ‌న్నీ, సుకుమార్ కాంబినేష‌న్‌లో తెర‌కెక్కుతోన్న చిత్ర‌మిది.

ఇన్‌స్టాలో బ‌న్నీ హ‌వా:

బ‌న్నీకి సోష‌ల్ మీడియాలో మంచి క్రేజ్ ఉంది. ఫేస్‌బుక్‌లో 13.1 మిలియ‌న్ ఫాలోవ‌ర్స్ ఉన్నారు. సౌతిండియాలో బ‌న్నీ సెకండ్ ప్లేస్‌లో ఉన్నాడు. ఇక తాజాగా ఇన్‌స్టాగ్రామ్‌లో 7 మిలియ‌న్ ఫాలోవ‌ర్స్‌ను ద‌క్కించుకున్నాడు అల్లు అర్జున్.