స్టైలిష్ స్టార్ అల్లు అర్జున్ హీరోగా రూపొందుతోన్న చిత్రం `అల‌...వైకుంఠ‌పుర‌ములో...`. జులాయి`, `స‌న్నాఫ్ స‌త్య‌మూర్తి` వంటి విజ‌య‌వంత‌మైన చిత్రాల త‌ర్వాత బ‌న్నీ, త్రివిక్ర‌మ్ కాంబినేష‌న్‌లో రూపొందుతోన్న చిత్రం కావ‌డంతో సినిమాపై భారీ అంచ‌నాలు క్రియేట్ అవుతున్నాయి. ఇప్ప‌టికే త‌మ‌న్ సంగీత సారథ్యంలో విడుద‌లైన మూడు పాట‌లు అమేజింగ్ రెస్పాన్స్‌ను ద‌క్కించుకున్నాయి. అలాగే టీజ‌ర్ కూడా ట్రెమెండ‌స్ రెస్పాన్స్‌ను రాబ‌ట్టుకుంది. సినిమా చిత్రీక‌ర‌ణ తుది ద‌శ‌కు చేరుకుంటుంది. అన్ని కార్య‌క్ర‌మాల‌ను పూర్తి చేసి సినిమాను సంక్రాంతి సంద‌ర్భంగా జ‌న‌వ‌రి 12న విడుద‌ల చేయ‌డానికి నిర్మాత‌లు అల్లు అర‌వింద్‌, ఎస్‌.రాధాకృష్ణ‌(చిన‌బాబు) సిద్ధ‌మవుతున్నారు.

తాజా స‌మాచారం మేర‌కు ఈ సినిమా ప్రీ రిలీజ్‌ను మ్యూజిక‌ల్ నైట్ అనే పేరుతో రెండు తెలుగు రాష్ట్రాల్లో నిర్వ‌హించాల‌ని అనుకుంటున్నార‌ట‌. వివ‌రాల మేర‌కు డిసెంబ‌ర్ 28న తెలంగాన‌ హైద‌రాబాద్‌లో ఓ మ్యూజిక‌ల్ నైట్ జ‌రిగితే.. జ‌న‌వ‌రి 5న ఆంధ్ర‌ప్ర‌దేశ్‌ వైజాగ్‌లో ఓ మ్యూజిక‌ల్ నైట్‌ను నిర్వ‌హించ‌బోతున్నార‌ట‌. పూజా హెగ్డే హీరోయిన్‌గా న‌టిస్తోన్న ఈ చిత్రంలో జ‌య‌రాం, ట‌బు, ముర‌ళీశ‌ర్మ త‌దిత‌రులు కీల‌క పాత్ర‌ల్లోన‌టిస్తున్నారు.