బ‌న్నీ త‌దుప‌రి సినిమాల‌ను భారీ ప్లాన్‌తోనే విడుద‌ల చేయాల‌ని అనుకుంటున్నాడ‌ట‌. ప్ర‌స్తుతం సుకుమార్ ద‌ర్శ‌క‌త్వంలో చేస్తున్న పాన్ ఇండియా చిత్రం పుష్ప‌పై చాలా కేర్ తీసుకుంటున్నారు. క‌రోనా ఎఫెక్ట్ లేకుంటే ఈపాటికి పుష్ప సెట్స్‌పై ఉండాల్సింది. కానీ కుద‌ర‌లేదు. స‌రే! లాక్‌డౌన్ అయిన త‌ర్వాత సినిమాను వీలైనంత త‌ర్వ‌గానే పూర్తి చేస్తారు. వ‌చ్చే ఏడాది స‌మ్మ‌ర్‌లో విడుద‌ల చేసేలానే అనిపిస్తుంది. ఈ ప‌క్క త‌న 20వ సినిమా గురించి ఆలోచిస్తున్న బ‌న్నీ తదుప‌రి సినిమాను స్టార్ డైరెక్ట‌ర్‌తోనే చేయ‌బోతున్నాడ‌ట‌. ఆ ద‌ర్శ‌కుడెవ‌కో కాదు... సందీప్ వంగా అని వార్త‌లు విన‌ప‌డుతున్నాయి.

వివ‌రాల్లోకెళ్తే.. తొలి చిత్రం ‘అర్జున‌రెడ్డి’తో విజ‌య్ దేవ‌ర‌కొండ‌ను స్టార్ హీరోగా మార్చిన సందీప్ వంగా త‌దుప‌రి సినిమాను మ‌హేశ్‌తో చేయాల‌నుకున్నాడు కానీ కుద‌ర‌లేదు. ఆలోపు బాలీవుడ్‌లోనే అర్జున్ రెడ్డిని క‌బీర్ సింగ్ పేరుతో సినిమాను రీమేక్ చేసి బాలీవుడ్‌లోనూ భారీ హిట్ కొట్టాడు. మ‌ళ్లీ టాలీవుడ్ హీరోల‌తో సినిమాలు చేయాల‌ని ప్ర‌య‌త్నాలు చేస్తున్న సందీప్ వంగాను ఎవ‌రూ పట్టించుకోలేదు. చివ‌ర‌కు బ‌న్నీతో సందీప్ సినిమా ఉంటుంద‌ని వార్త‌లు విన‌ప‌డుతున్నాయి. అయితే బ‌న్నీఇప్పుడు చేస్తున్న పుష్ప త‌ర్వాత ఇప్ప‌టికే దిల్‌రాజు బ్యాన‌ర్‌లో ఐకాన్ సినిమా పూర్తి చేయాల్సి ఉంది. మ‌రి అప్ప‌టి వ‌ర‌కు సందీప్ వంగా వెయిట్ చేస్తాడా? అనేది ఆలోచించాల్సిన విష‌యం.