మెగాస్టార్ చిరంజీవి హీరోగా న‌టించిన `సైరా న‌ర‌సింహారెడ్డి` తెలుగు, హిందీ, త‌మిళం, క‌న్న‌డ‌, మ‌ల‌యాళ భాష‌ల్లో విడుద‌లై హిట్ టాక్‌తో మంచి క‌లెక్ష‌న్స్‌ను రాబ‌ట్టుకుంటుంది. ఈ సంద‌ర్భాన్ని పుర‌స్క‌రించుకుని అల్లు అర‌వింద్‌, అల్లు అర్జున్ సైరా యూనిట్‌కు పెద్ద పార్టీ ఇచ్చాడు. ఈ పార్టీకి మెగా ఫ్యామిలీలోని కొంత మంది హీరోల‌తో పాటు, సైరా చిత్ర యూనిట్, కొంత మంది ప్ర‌ముఖులు హాజ‌రయ్యారు. మెగాస్టార్ చిరంజీవి, అల్లు అర‌వింద్‌, రామ్‌చ‌ర‌ణ్‌, అల్లు అర్జున్‌, అఖిల్ అక్కినేని, వ‌రుణ్ తేజ్‌, సాయిధ‌ర‌మ్ తేజ్‌, శ్రీకాంత్‌, త్రివిక్ర‌మ్‌, సురేంద‌ర్ రెడ్డి, వంశీ పైడిప‌ల్లి, హ‌రీశ్ శంక‌ర్‌, సుకుమార్‌, బ‌న్నీ వాసు, జెమినికిర‌ణ్ త‌దిత‌రులు పాల్గొన్నారు.

మెగాస్టార్ చిరంజీవి టైటిల్ పాత్ర‌లో న‌టించ‌గా అమితాబ్ బ‌చ్చ‌న్‌, న‌య‌న‌తార‌, త‌మ‌న్నా, కిచ్చాసుదీప్‌, విజ‌య్‌సేతుప‌తి, జ‌గ‌ప‌తిబాబు త‌దిత‌రులు కీల‌క పాత్ర‌ల్లో న‌టించారు. బ్రిటీష్ వారిని ఎదిరించిన తెలుగు స్వాతంత్ర్య స‌మ‌ర‌యోధుడు ఉయ్యాల‌వాడ జీవిత చ‌రిత్ర‌ను ఆధారంగా చేసుకుని ఈ చిత్రాన్ని తెరకెక్కించారు. దాదాపు మూడు వంద‌ల కోట్ల రూపాయ‌ల ఖ‌ర్చుతో సినిమా తెర‌కెక్కింది. చిరంజీవి డ్రీమ్ ప్రాజెక్ట్‌ను త‌న‌యుడు రామ్‌చ‌ర‌ణ్ అన్ కాంప్ర‌మైజ్డ్‌గా తెర‌కెక్కించారు. భారీ అంచ‌నాల న‌డుమ విడుద‌లైన ఈ చిత్రం తెలుగు రాష్ట్రాల క‌లెక్ష‌న్స్‌ను గ‌ట్టిగానే రాబ‌ట్టుకుంది.