ప‌వ‌న్ స‌ర‌స‌న బ‌న్నీ హీరోయిన్...?
- IndiaGlitz, [Tuesday,August 25 2020]
ప‌వ‌ర్‌స్టార్ ప‌వ‌న్‌క‌ల్యాణ్‌, హ‌రీశ్ శంక‌ర్ కాంబినేష‌న్ అన‌గానే మ‌న‌కు వెంట‌నే గుర్తుకొచ్చే సినిమా ‘గ‌బ్బ‌ర్ సింగ్‌’. ప‌దేళ్లు హిట్ లేకుండా ఉన్నా కూడా ప‌వ‌ర్‌స్టార్ రేంజ్‌ను బాక్సాఫీస్‌కు చాటి చెప్పిన చిత్ర‌మిది. ఇండ‌స్ట్రీ హిట్‌ను సాధించిన చిత్ర‌మిది. ఇప్పుడు ఇదే కాంబినేష‌న్‌లో మ‌రో సినిమా రానుంద‌నే సంగ‌తి తెలిసిందే. ఇప్ప‌టికే డైరెక్టర్ హ‌రీశ్ శంక‌ర్ కథను కూడా రెడీ చేసుకున్నారు. ప‌వ‌న్ కోస‌మే వెయిట్ చేస్తున్నారీ డైరెక్టర్. ఈ సినిమాకు సంబంధించి వార్త‌ల‌నేకం సోషల్ మీడియాలో చ‌క్క‌ర్లు కొడుతున్న సంగ‌తి తెలిసిందే.
తాజా స‌మాచారం మేర‌కు ప‌వ‌న్ సినిమాలో పూజా హెగ్డేను హీరోయిన్‌గా న‌టింప చేయాల‌ని అనుకుంటున్నార‌ట. ఇది వ‌ర‌కు హ‌రీశ్ శంక‌ర్ డైరెక్ట్ చేసిన డీజే దువ్వాడ జగన్నాథ్, గ‌ద్ద‌ల‌కొండ గ‌ణేష్ చిత్రాల్లో పూజా హెగ్డే హీరోయిన్‌గా న‌టించిన సంగ‌తి తెలిసిందే. అదే ర్యాపోతో మ‌రోసారి పూజాను న‌టింప చేయ‌డానికి హ‌రీశ్ గ‌ట్టి ప్ర‌య‌త్నాలే చేస్తున్నార‌ని టాక్ వినిపిస్తోంది. ఇప్పుడు టాలీవుడ్లో స్టార్ హీరోయిన్‌గా మ‌హేశ్‌, అల్లు అర్జున్‌, చ‌ర‌ణ్ స‌హా వ‌రుణ్ తేజ్ స‌ర‌స‌న పూజా హెగ్డే న‌టించారు. మ‌రిప్పుడు ప‌వ‌న్‌తో న‌టించ‌డానికి పూజాహెగ్డే ఒప్పుకుంటారో లేదో చూడాలి.