స్టైలిష్ స్టార్ అల్లు అర్జున్ హీరోగా ఎంట్రీ ఇచ్చి 16 వ‌సంతాల‌ను పూర్తి చేసుకున్నారు. ఇప్ప‌టి వ‌ర‌కు 18 సినిమాల‌ను చేసిన బ‌న్ని.. ఇప్పుడు 19వ సినిమాను త్రివిక్ర‌మ్‌తో, 20వ సినిమాను సుకుమార్‌తో.. 21వ సినిమాను వేణు శ్రీరాం ద‌ర్శ‌క‌త్వంలో చేయ‌బోతున్న సంగ‌తి తెలిసిందే.

ఇన్నేళ్ల కెరీర్‌లో బ‌న్ని తొలిసారి ద్విపాత్రాభిన‌యం చేయబోతున్నార‌ని ఇండ‌స్ట్రీలో వార్త‌లు విన‌ప‌డుతున్నాయి. ఓ మై ఫ్రెండ్, ఎం.సి.ఎ చిత్రాల‌ను డైరెక్ట్ చేసిన వేణుశ్రీరాం బ‌న్నితో `ఐకాన్ క‌న‌ప‌డుట లేదు` సినిమాను దిల్‌రాజు నిర్మాణంలో తెర‌కెక్కించ‌బోతున్నారు.

ఈ సినిమాలో బ‌న్ని డిఫ‌రెంట్ పాత్ర‌ల్లో డ్యూయెల్ రోల్ పోషించ‌బోతున్నాడట‌. ఈ సినిమా వ‌చ్చే ఏడాదే సెట్స్‌లోకి వెళ్లే అవకాశం ఉంది. ఈ సినిమాలో హీరోయిన్‌గా అలియా భ‌ట్‌ను తీసుకోవాల‌ని యూనిట్ ప్ర‌య‌త్నాలు చేస్తుంద‌ని టాక్‌.