సినిమా హీరోల‌కు అభిమానులే కొండంత బ‌లం. ఈ అభిమానుల్లో కొంద‌రు వీరాభిమానులు కూడా ఉంటారు. కొన్ని సంద‌ర్భాల్లో హీరోల‌కు ఈ వీరాభిమానుల‌తో ప్ర‌త్యేకానుబంధం కూడా ఉంటుంది. అలాంటి అభిమానే మాటూరు దేవ‌సాయి గ‌ణేశ్‌. ఇత‌ను స్టైలిష్ స్టార్ అల్లు అర్జున్‌కి వీరాభిమాని.

త‌ను బోన్ క్యాన్స‌ర్‌తో ఇబ్బంది ప‌డుతున్న సంద‌ర్భంలో బ‌న్ని అత‌న్ని ప్ర‌త్యేకంగా క‌లిసి ప‌రామ‌ర్శించాడు కూడా. త‌న ఆరోగ్యం కోసం ప‌ది ల‌క్ష‌లు ఇవ్వ‌డానికి సిద్ధ‌మ‌య్యాడు బన్ని. అయితే ఈ వీరాభిమాని క్యాన్స‌ర్ మ‌హ‌మ్మారి కార‌ణంగా క‌న్నుమూశాడు.

ఈ విష‌యం తెలిసిన బ‌న్ని త‌న శోకాన్ని సోష‌ల్ మీడియా ద్వారా తెలియ‌జేశారు. 'దేవ‌సాయి గ‌ణేశ్ క‌న్నుమూశాడ‌నే సంగ‌తి తెలియ‌గానే నా హృద‌యం ప‌గిలినంత ప‌నైంది. అత‌ని ఆత్మ‌కు శాంతి క‌ల‌గాల‌ని కోరుకుంటున్నాను. ఆయ‌న కుటుంబ స‌భ్యుల‌కు నా ప్ర‌గాఢ‌సానుభూతిని వ్య‌క్తం చేస్తున్నాను' అన్నారు.