ఈ ఆదివారం (ఏప్రిల్ 8)  స్టైలిష్ స్టార్ అల్లు అర్జున్ పుట్టినరోజు. ప్ర‌స్తుతం బ‌న్నీ ‘నా పేరు సూర్య నా ఇల్లు ఇండియా’ సినిమాలో నటిస్తున్న సంగ‌తి తెలిసిందే. స్టార్ హీరో పుట్టిన రోజు.. అందులోనూ నటిస్తున్న సినిమా సెట్స్ పైనే ఉంది. ఇంకేం.. టీజ‌రో, ట్రైల‌రో, సినిమాకి సంబంధించి ఏదో ఒకటి బర్త్‌డే గిఫ్ట్‌గా అభిమానులకి ఇవ్వడం పరిపాటే. అయితే ఈసారి స్టైలిష్ స్టార్ బర్త్‌డేను.. కొంచెం స్టైల్‌గా, డిఫరెంట్‌గా చేయడానికి అభిమానులు ముందుకు వచ్చారు.

తమ అభిమాన హీరో భారీ సైక‌త‌ శిల్పాన్ని (ఇసుకతో చేసే శిల్పం) వైజాగ్ బీచ్‌లో  ఏర్పాటు చేయాలని ప్లాన్ చేస్తున్నారు. దీనికోసం సైక‌త‌ శిల్పం తయారు చేసే నిపుణులతో మంతనాలు కూడా జరుగుపుతున్నారు. అన్నీ అనుకున్నట్టు జరిగితే ఈ ఆదివారం.. వైజాగ్ బీచ్‌లో బన్నీ భారీ సైక‌త‌ శిల్పాన్ని వీక్షించే అవకాశం సందర్శకులకు ఉందన్న మాట. ఇదిలా ఉంటే.. బన్నీ నటిస్తున్న‌ ‘నా పేరు సూర్య నా ఇల్లు ఇండియా’ ఆడియో ఫంక్షన్‌ని ఈ నెల 15న నిర్వహించడానికి సన్నాహాలు జరుగుతున్నాయి. కాగా, మే 4న ఈ సినిమా తెర‌పైకి రానుంది.