బన్ని సినిమా శాటిలైట్ హక్కులను సొంతం చేసుకున్న
- IndiaGlitz, [Saturday,February 25 2017]
స్టైలిష్ స్టార్ అల్లు అర్జున్‌, పూజా హెగ్డే హీరో హీరోయిన్లుగా హ‌రీష్ శంక‌ర్.ఎస్ దర్శకత్వంలో దిల్ రాజు నిర్మిస్తున్న చిత్రం 'డిజె దువ్వాడ జగన్నాథమ్'. ఆర్య, ప‌రుగు చిత్రాలు త‌ర్వాత బన్ని, దిల్ రాజు కాంబినేష‌న్‌లో వ‌స్తున్న హ్యాట్రిక్ మూవీ ఇది. శివ‌రాత్రి సంద‌ర్బంగా విడుద‌లైన ఈ సినిమా టీజ‌ర్ సెన్సేష‌న్ క్రియేట్ చేస్తూ మూడు మిలియ‌న్స్ దిశ‌గా వెళుతుంది.
సినిమా విడుద‌ల తేదిని ప్ర‌క‌టించ‌క ముందుగానే సినిమాపై మంచి క్రేజ్ క్రియేట్ అయ్యింది. అన్నీ ఏరియాస్ నుండి డిస్ట్రిబ్యూట‌ర్స్ దిల్‌రాజును సంప్ర‌దిస్తున్నారు. మ‌రోవైపు ఈ సినిమా శాటిలైట్ హక్కులను జీ తెలుగు ఛానెల్ రికార్డ్ ప్రైజ్‌కు సొంతం చేసుకుంద‌ట. సరైనోడు సినిమా శాటిలైట్ హ‌క్కులు 16 కోట్ల‌కు అమ్ముడ‌య్యాయి. డిజె దువ్వాడ జగన్నాథమ్ హ‌క్కులు సరైనోడు కంటే ఎక్కువ ధ‌ర‌కే అమ్ముడైన‌ట్లు స‌మాచారం.