స్టైలిష్ స్టార్ అల్లుఅర్జున్ స‌రైనోడు బ్లాక్ బ‌స్ట‌ర్ త‌ర్వాత శ్రీ వెంక‌టేశ్వ‌ర క్రియేష‌న్స్ బ్యాన‌ర్‌పై దిల్‌రాజు నిర్మాత‌గా, హ‌రీష్ శంక‌ర్ ద‌ర్శ‌క‌త్వంలో రూపొందుతోన్న డి.జె..దువ్వాడ జ‌గ‌న్నాథ‌మ్ చేస్తున్న సంగ‌తి తెలిసిందే. సినిమా లాంచ‌నంగా ప్రారంభం అయ్యింది. ఇప్పుడు ఈ సినిమాలో అల్లుఅర్జున్ ఎలాంటి రోల్ చేయ‌బోతున్నాడ‌నే దాని గురించి ఆస‌క్తిక‌ర‌మైన విష‌య‌మొక‌టి ఫిలింన‌గ‌ర్ వ‌ర్గాల్లో చ‌క్క‌ర్లు కొడుతుంది.

ఈ చిత్రంలో అల్లుఅర్జున్ బ్ర‌హ్మ‌ణ యువ‌కుడిగా క‌నిపిస్తాడ‌ని అంటున్నారు. బ్ర‌హ్మ‌ణ యువ‌కుడు పాత్ర అంటే అదుర్స్ త‌ర‌హాలో ఫుల్ లెంగ్త్ పాత్ర ఉంటుందా? లేక కొద్దిసేపు మాత్ర‌మే ఉంటుందా? అని తెలియ‌డం లేదు. ఈ సినిమా అదుర్స్ సీక్వెల్ లా ఉంటుందని కూడా వార్తలు వస్తున్నాయి. మరి దీనిపై చిత్రయూనిట్ ఎలా స్పందిస్తుందో చూడాలి. దేవిశ్రీ ప్ర‌సాద్ ఈ చిత్రానికి సంగీతం అందిస్తున్నాడు.