స్టైలిష్ స్టార్ అల్లు అర్జున్ హీరోగా త్రివిక్ర‌మ్ ద‌ర్శ‌క‌త్వంలో రూపొందిన హ్యాట్రిక్ చిత్రం ‘అల వైకుంఠ‌పుర‌ములో’. ఈ సినిమా వ‌సూళ్ల ప‌రంగా నాన్ బాహుబ‌లి రికార్డుల‌ను సాధించింది. సినిమా జనవరిలో విడుదలైనప్పటికీ ఏదో ఓ ర‌కంగా వార్త‌ల్లో నిలుస్తూనే ఉంది. ముఖ్యంగా ఈ సినిమా పాట‌లు. త‌మ‌న్ అందించిన సంగీతం మ‌రో లెవ‌ల్‌లో ప్రేక్ష‌కుల‌ను ఆక‌ట్టుకుంది. ముఖ్యంగా మూడు పాట‌లు సామ‌జ‌వ‌ర‌గ‌మ‌న‌..., రాములో రాముల‌..., బుట్ట‌బొమ్మ లిరిక‌ల్ సాంగ్స్‌కు అమేజింగ్ రెస్పాన్స్ వ‌చ్చింది. ఇక సినిమా విడుద‌లైన విడుద‌లైన వీడియో సాంగ్స్‌కు లిరిక‌ల్ వీడియోల‌ను మించిన రెస్పాన్స్ వ‌చ్చింది. ఒక్కొక్క వీడియోకు 100 మిలియ‌న్ వ్యూస్ దాటేశాయి.

తాజాగా ఇప్పుడు ఈ సినిమా ట్రైలర్‌ మరో రికార్డ్‌ను క్రియేట్‌ చేసింది. మోస్ట్‌ వ్యూడ్‌ ట్రైలర్‌ టాప్‌ 20 లిస్టులో అల వైకుంఠపురములో సినిమా చేరింది. ఏకంగా జేమ్స్‌ బాండ్‌ మూవీ నో టైమ్‌ టు డై సినిమా ట్రైలర్‌ వ్యూస్‌ను ఈ సినిమా దాటేసింది. ఇలా మోస్ట్‌ వ్యూడ్‌ ట్రైలర్‌ క్రెడిట్‌ దక్కించుకున్న తొలి దక్షిణాది చిత్రమిదే. అల్లు అర్జున్‌ సినిమా ట్రైలర్‌ ఇలా కొత్త రికార్డ్‌ను క్రియేట్‌ చేయడంపై ఆయన అభిమానులు చాలా హ్యాపీగా ఉన్నారు.