ప‌వ‌ర్‌స్టార్ ప‌వ‌న్ క‌ళ్యాణ్ కెరీర్‌లో ట‌ర్నింగ్ పాయింట్‌గా నిలిచిన చిత్రం తొలి ప్రేమ‌. ప్రేమ‌క‌థా చిత్రాల ద‌ర్శ‌కుడు ఎ.క‌రుణాక‌ర‌న్ ఈ సినిమాతోనే డైరెక్ట‌ర్‌గా తొలి అడుగులు వేశాడు. ఆ త‌రువాత ప‌వ‌న్‌తో బాలు ని తెర‌కెక్కించాడు. వెనువెంట‌నే అదే ఫ్యామిలీకి చెందిన అల్లు అర్జున్‌తో హ్యాపీ సినిమా చేశాడు. మ‌ళ్లీ ప‌ద‌కొండేళ్ల త‌రువాత అదే కుటుంబానికి చెందిన సాయిధ‌ర‌మ్‌తేజ్‌తో ప్ర‌స్తుతం ఓ సినిమా చేస్తున్నాడు క‌రుణాక‌ర‌న్‌.

విశేష‌మేమిటంటే.. ప‌వ‌న్ హీరోగా న‌టించిన నాలుగో చిత్రం తొలి ప్రేమ అయితే.. బ‌న్నీ హీరోగా న‌టించిన నాలుగో చిత్రం హ్యాపీ. ఇక ప‌వ‌న్ క‌థానాయ‌కుడుగా న‌టించిన ప‌దో చిత్రం బాలు అయితే.. సాయి క‌థానాయ‌కుడిగా న‌టిస్తున్న ప‌దో చిత్రం క‌రుణాక‌ర‌న్ తెర‌కెక్కిస్తున్న తాజా సినిమా. మొత్తానికి ప‌వ‌న్ బాట‌లోనే బ‌న్నీ, సాయి ప‌య‌నిస్తున్నార‌న్న‌మాట‌.