தமிழின் முன்னணி நடிகர்கள் தெலுங்கு திரை உலகின் மார்க்கெட்டை பிடிப்பதற்கும், தெலுங்கின் முன்னணி நடிகர்கள் தமிழ் திரையுலகின் மார்க்கெட்டை பிடிப்பதற்கும் கடந்த சில ஆண்டுகளாக முயற்சித்து வருகின்றனர். அந்த வகையில் ஏற்கனவே மகேஷ்பாபு, ராம் சரண்தேஜா ஆகியோரின் படங்கள் தமிழ், தெலுங்கு என்று கடந்த சில ஆண்டுகளாக தயாரிக்கப்பட்டு வருகின்றன. அதேபோல் அல்லு அர்ஜுன் நடிக்கும் அடுத்த படம் தமிழ், தெலுங்கு, ஹிந்தி என பான் இந்தியத் திரைப்படமாக உருவாக இருப்பதாக கூறப்படுகிறது

அல்லு அர்ஜுன் நடிக்கவுள்ள அடுத்த திரைப்படத்தை தமிழ் திரையுலகின் முன்னணி தயாரிப்பாளர் கலைப்புலி எஸ் தாணு அவர்கள் தயாரிக்க உள்ளதாகவும், இந்த படத்தை கோலிவுட்டின் முன்னணி இயக்குனர் ஒருவர் இயக்க இருப்பதாகவும் கூறப்படுகிறது. தமிழ் தெலுங்கு ஹிந்தி ஆகிய மூன்று மொழிகளிலும் தயாராக உள்ள இந்த படத்தின் அறிவிப்பு மிக விரைவில் வெளியாகும் என்று கூறப்படுகிறது

ஏற்கனவே தயாரிப்பாளர் கலைப்புலி எஸ்.தணு அவர்கள் தெலுங்கு தயாரிப்பாளர் சுரேஷ் பாபு உடன் இணைந்து ’அசுரன்’ படத்தின் தெலுங்கு ரீமேக்கான ’நாரப்பா’ என்ற படத்தை தயாரித்து வருகிறார் என்பது தெரிந்ததே. இதனையடுத்து அவர் மேலும் ஒரு தமிழ் தெலுங்கு ஹிந்தி படத்தை தயாரிக்கவுள்ளார் என்பது குறிப்பிடத்தக்கது.