ஜெயம்ரவி- சமுத்திரக்கனி படத்தில் இணையும் பிரபல நடிகர்
- IndiaGlitz, [Tuesday,June 28 2016]
தமிழின் முன்னணி நடிகர்களில் ஒருவரான ஜெயம் ரவி தற்போது 'போகன்' படத்தில் நடித்து வருகிறார். இந்த படத்தின் படப்பிடிப்பு முடிந்ததும் அவர் சமுத்திரக்கனி இயக்கத்தில் உருவாகும் 'தொண்டன் படத்தில் இணைவார் என்று எதிர்பார்க்கப்படுகிறது.
சமுத்திரக்கனி இயக்கிய 'அப்பா' திரைப்படம் வரும் ஜூலை 1ஆம் தேதி ரிலீஸ் ஆகவுள்ளது. இந்த படம் ரிலீஸ் ஆனதும் சமுத்திரக்கனி 'தொண்டன்' படத்தின் ஆரம்பகட்ட பணிகளை ஆரம்பிக்கவுள்ளார் என்று கூறப்படுகிறது.
இந்நிலையில் 'தொண்டன்' படத்தில் பிரபல தெலுங்கு நடிகர் அல்லரி நரேஷ் முக்கிய வேடத்தில் நடிக்க ஒப்பந்தமாகியுள்ளதாக செய்திகள் வெளிவந்துள்ளது. கடந்த 2002ஆம் ஆண்டு 'அல்லரி' என்ற படத்தில் அறிமுகமாகிய அல்லரி ரமேஷ் சமுத்திரக்கனி இயக்கிய 'போராளி' படத்திலும் முக்கிய கேரக்டரில் நடித்திருந்தார் என்பது குறிப்பிடத்தக்கது.
தொண்டன் படத்தில் ஜெயம் ரவிக்கு ஜோடியாக நடிக்கும் நடிகை உள்பட மற்ற நடிகர், நடிகைகளின் தேர்வு நடைபெற்று வருவதாகவும் விரைவில் இந்த படம் குறித்த முழு தகவல்கள் வெளிவரும் என்றும் கூறப்படுகிறது.