వెంకీ కూతురుతో అల్లరి నరేష్..
- IndiaGlitz, [Wednesday,June 08 2016]
అల్లరి నరేష్ సినిమాలు ఈమ‌ధ్య ఆశించిన స్ధాయిలో విజ‌యం సాధించ‌డం లేదు. దీంతో కాస్త ఆచి తూచి సినిమాలు చేస్తున్నాడు. ఇటీవ‌ల చాలా క‌థ‌లు విన్న అల్లరి నరేష్ కి నాగేశ్వ‌ర‌రెడ్డి చెప్పిన క‌థ ఎంత‌గానో న‌చ్చింద‌ట. అందుకే నాగేశ్వ‌ర‌రెడ్డికి గ్రీన్ సిగ్న‌ల్ ఇచ్చాడు. వైవిధ్య‌మైన క‌ధాంశంతో రూపొందే ఈ చిత్రాన్ని భారీ చిత్రాల నిర్మాత బి.వి.ఎస్.ఎన్ ప్ర‌సాద్ నిర్మిస్తున్నారు.
ఈ చిత్రానికి వెరైటీగా మా ఇంట్లో ఉంది దెయ్యం నాకెందుకు భ‌యం అనే టైటిల్ ఖ‌రారు చేసిన‌ట్టు స‌మాచారం. ఈ చిత్రంలో హీరోయిన్ పాత్ర‌కు చాలా మందిని ప‌రిశీలించి ఆఖ‌రికి దృశ్యం చిత్రంలో వెంక‌టేష్ పెద్ద కూతురుగా న‌టించిన కృతిక ను ఫైన‌ల్ చేసారు. ఈ చిత్రాన్ని త్వ‌ర‌లో ప్రారంభించ‌నున్నారు. స‌రైన స‌క్సెస్ కోసం ఎదురుచూస్తున్న అల్లరి నరేష్ కి ఈ చిత్రంతోనైనా స‌క్సెస్ వ‌స్తుంద‌ని ఆశిద్దాం.