విజ‌య్ మాల్యాతో అల్ల‌రి నరేష్ సెల్పీ
- IndiaGlitz, [Saturday,March 12 2016]
ఫిటింగ్ మాస్ట‌ర్, బ్లేడ్ బాబ్జీ, క‌త్తి కాంతారావు, బెట్టింగ్ బంగార్రాజు, బెండు అప్పారావు..ఇలా వెరైటీ టైటిల్స్ తో సినిమా తీస్తూ ఈత‌రంలో కామెడీ చిత్రాల‌కు కేరాఫ్ అడ్ర‌స్ గా నిలిచిన హీరో అంటే అల్ల‌రి నరేష్. ఈ కామెడీ హీరో తాజాగా సెల్పీ రాజా టైటిల్ తో సినిమా చేయ‌నున్నాడు. సెల్పీ అనేది ప్రెజెంట్ ఎంత పాపుల‌ర్ అయ్యిందో అందరికీ తెలిసిందే. అందుకే అందరికీ బాగా రీజ్ అవుతుంద‌నే ఉద్దేశ్యంతో చాలా తెలివిగా సెల్పీ రాజా టైటిల్ ఫిక్స్ చేసాడు.
అంతే కాదండోయ్.... ఈ సినిమాకి అప్పుడే ప్ర‌మోష‌న్ స్టార్ట్ చేసేసాడు అల్ల‌రి నరేష్. బ్యాంకుల‌కు దొర‌కుండా విదేశాల‌కు వెళ్లిపోయిన మాల్యాతో అల్ల‌రి నరేష్ సెల్పీ తీసుకున్నాడు. ఈ విష‌యాన్ని అల్ల‌రి నరేష్ ట్విట్టర్ ద్వారా తెలియ‌చేస్తూ..బ్యాంకుల‌కు దొర‌క‌ని విజ‌య్ మాల్యా నా సెల్పీకి చిక్కాడు. ఇండియాలో అత‌ని లాస్ట్ సెల్పీ అంటూ విజ‌య్ మాల్యాతో ఉన్న సెల్పీ కూడా పోస్ట్ చేసాడు. దీంతో సెల్పీ రాజా కి బాగా పబ్లిసిటీ వ‌చ్చింది. అల్ల‌రి నరేష్ మామూలోడు కాదు..మ‌హా ముదురు..