అల్లరి నరేష్ న్యూమూవీ డీటైల్స్...
- IndiaGlitz, [Saturday,December 05 2015]
త‌న‌దైన న‌ట‌న‌తో ఆక‌ట్టుకుంటూ యువ హీరోల్లో..కామెడీ చిత్రాల‌కు కేరాఫ్ అడ్ర‌స్ గా మారిన క‌థానాయ‌కుడు అల్లరి నరేష్. ఈమధ్య వ‌రుస ప్లాప్స్ తో స‌త‌మ‌త‌మైన అల్లరి నరేష్ కి జేమ్స్ బాండ్ సినిమా స‌క్సెస్ అందించింది. తాజాగా అల్లరి నరేష్ మంచు మోహ‌న్ బాబుతో క‌ల‌సి మామ మంచు అల్లుడు కంచు సినిమాలో న‌టించాడు. ఈ సినిమా క్రిస్మెస్ కానుక‌గా డిసెంబ‌ర్ 25న ప్రేక్ష‌కుల ముందుకు వ‌స్తుంది.
ఈ సినిమా త‌ర్వాత అల్లరి నరేష్ సిద్దు ఫ్రం సీకాకుళం సినిమా ద‌ర్శ‌కుడు ఈశ్వ‌ర్ రెడ్డి ద‌ర్శ‌క‌త్వంలో న‌టించేందుకు గ్రీన్ సిగ్న‌ల్ ఇచ్చాడు. ఆద్యంతం ఆస‌క్తిగా ఉంటూ ఎంట‌ర్ టైన్ చేసే క‌థ‌తో ఈశ్వ‌ర్ రెడ్డి సినిమా తెర‌కెక్కించ‌నున్నారు. అనిల్ సుంక‌ర స‌హ నిర్మాత‌గా వ్య‌వ‌హ‌రిస్తున్న ఈ సినిమాను గోపీ ఆర్ట్స్ బ్యాన‌ర్ పై రూపొందిస్తున్నారు. ఈ సినిమా నిన్న‌టి నుంచి సెట్స్ పైకి వెళ్ళింది. సిద్దు ఫ్రం సికాకుళం తో స‌క్సెస్ సాధించిన ఈశ్వ‌ర్ రెడ్డి ఈ సినిమాలో అల్లరి నరేష్ ని ఎలా చూపిస్తాడో చూడాలి.