అల్లరి నరేష్ ఇంట్లో దెయ్యం నాకేం భయం రిలీజ్ వాయిదా..!
- IndiaGlitz, [Wednesday,November 09 2016]
అల్లరి నరేష్ హీరోగా జి.నాగేశ్వ‌ర‌రెడ్డి దర్శకత్వంలో రూపొందిన హర్రర్ ఎంటర్ టైన‌ర్ ఇంట్లో దెయ్యం నాకేం భయం. ఈ చిత్రాన్ని శ్రీ వెంకటేశ్వర సినీచిత్ర పతాకం పై బి.వి.ఎస్.ఎన్.ప్ర‌సాద్ నిర్మించారు. హర్రర్, ఎంటర్ టైన్మెంట్, స‌స్పెన్స్...ఇలా ప్రేక్ష‌కులు కోరుకునే అంశాల‌తో ఈ చిత్రాన్ని రూపొందించారు.
అల్లరి నరేష్ - జి.నాగేశ్వ‌ర‌రెడ్డి కాంబినేష‌న్లో వ‌చ్చిన సీమ‌శాస్త్రి, సీమ‌ట‌పాకాయ్ చిత్రాలు సూప‌ర్ సక్సెస్ సాధించాయి. దీంతో వీరి కాంబినేష‌న్లో వ‌స్తున్న ఇంట్లో దెయ్యం నాకేం భయం విజయం సాధించి హ్యాట్రిక్ మూవీగా నిలుస్తుంది అని టీమ్ న‌మ్మ‌కంగా ఉన్నారు. ఇదిలా ఉంటే...ఈ చిత్రాన్ని ఈనెల 11న రిలీజ్ చేయాలి అనుకున్నారు. ఆత‌ర్వాత 11 కాదు 12 న రిలీజ్ చేస్తున్న‌ట్టు ప్రకటించారు. అయితే... క‌రెన్సీ ఎమ‌ర్జెన్సీ వ‌ల‌న ఇప్పుడు 12న కూడా రిలీజ్ చేయ‌కుండా వాయిదా వేసారు. కొత్త రిలీజ్ డేట్ ను త్వ‌ర‌లోనే ఎనౌన్స్ చేయ‌నున్నారు.