డిజిటల్ ద్వారా అల్లరోడి సినిమా..!
- IndiaGlitz, [Friday,June 12 2020]
అల్ల‌రి చిత్రంతో హీరోగా ఎంట్రీ ఇచ్చి నేటిత‌రం హీరోల్లో కామెడీ స్టార్‌గా పేరు సంపాదించుకుని యాబై సినిమాల‌ను పూర్తి చేశాడు అల్ల‌రి నరేశ్. అయితే ఈ మ‌ధ్య హీరోగా అల్ల‌రి న‌రేశ్‌కు పెద్ద‌గా స‌క్సెస్‌లు లేవు. దీంతో క్యారెక్ట‌ర్‌గా న‌టుడిగా కూడా మారాడు ఈ అల్ల‌రోడు. మ‌హేశ్ స్నేహితుడిగా నరేశ్ న‌టించిన తాజా చిత్రం మ‌హ‌ర్షి కూడా భారీ విజ‌యాన్ని సాధించింది. మ‌రో ప‌క్క‌న హీరోగా సినిమాలు కూడా చేస్తున్న నరేశ్ ప్ర‌స్తుతం బంగారుబుల్లోడు, నాంది సినిమాలు చేస్తున్నాడు. వీఈ రెండు సినిమాలు పోస్ట్ ప్రొడ‌క్ష‌న్ కార్య‌క్ర‌మాల‌ను జ‌రుపుకుంటున్నాయి.
ఈ రెండింటిలో బంగారు బుల్లోడు సినిమా ఎప్ప‌టి నుండి రిలీజ్‌కు పెండింగ్‌లో ఉంది. అయితే ప్ర‌స్తుతం లాక్ డౌన్ ప‌రిస్థితులు వ‌ల్ల అన్నీ సినిమాల‌ను థియేట‌ర్స్‌లో విడుద‌ల చేయాలంటే చాలా రోజుల పాటు ఎదురుచూపులు త‌ప్పేలా క‌న‌ప‌డ‌టం లేదు. ఇది చిన్న నిర్మాత‌ల‌కు ఇబ్బందిక‌ర‌మైన ప‌రిస్థితే ఈ నేప‌థ్యంలో అల్ల‌రి నరేశ్ హీరోగా న‌టించిన బంగారుబుల్లోడు సినిమాను ఓ ప్ర‌ముఖ డిజిటల్ మీడియం ద్వారా విడుద‌ల చేయ‌డానికి స‌న్నాహాలు చేస్తున్నార‌ని వార్త‌లు విన‌ప‌డుతున్నాయి. అంతా ఓకే అయిన త‌ర్వాత దానికి సంబంధించిన అధికారిక ప్ర‌క‌ట‌న వెలువ‌డే అవ‌కాశం ఉందంటున్నారు.