అల్ల‌రి నరేష్ మ‌ర‌చిపోలేని రోజు ఇది
- IndiaGlitz, [Tuesday,May 10 2016]
అల్ల‌రి చేసినా.. కిత‌కిత‌లు పెట్టినా.. అంతిమంగా ప్రేక్ష‌కుడికి వినోదాన్ని అందించ‌డ‌మే అత‌ని ప‌ని. ఆ అత‌ను మ‌రెవ‌రో కాదు 'అల్ల‌రి'తో క‌థానాయ‌కుడిగా ప‌రిచ‌య‌మై ఆ అల్ల‌రిని ఇంటిపేరుగా మార్చుకున్న అల్ల‌రి నరేష్. ఇత‌డి తొలి చిత్రం 'అల్ల‌రి' విడుద‌లై నేటి (మే 10)తో 14 ఏళ్లు పూర్త‌వుతోంది.
ర‌విబాబు ద‌ర్శ‌క‌త్వం వ‌హించిన తొలి చిత్రంగా ప్రేక్ష‌కుల ముందుకొచ్చిన 'అల్ల‌రి'.. నరేష్ కెరీర్‌కి శుభారంభాన్నివ్వ‌డ‌మే కాకుండా.. ప‌లు అవ‌కాశాల‌కు వేదిక‌గా నిలిచింది. ఇటీవ‌లే 'మామ మంచు అల్లుడు కంచు'తో 50 చిత్రాల మైలురాయికి చేరుకున్నాడు. ఇంత‌టి కెరీర్ స్పాన్‌కి కార‌ణంగా నిలిచిన 'అల్ల‌రి' రిలీజైన రోజంటే అల్ల‌రి న‌రేష్‌కి మ‌ర‌చిపోలేని రోజే మ‌రి. ప్ర‌స్తుతం ఈశ్వ‌ర్ రెడ్డి దర్శకత్వంలో చేస్తున్న చిత్రంతో బిజీగా ఉన్నాడు నరేష్.