27 నుంచి నరేష్ , భీమినేని చిత్రం
- IndiaGlitz, [Saturday,January 20 2018]
అల్లరి నరేష్ కెరీర్‌లో చివ‌రి బ్లాక్‌బ‌స్ట‌ర్‌ హిట్ సినిమాగా నిలిచింది సుడిగాడు'. 2012లో వ‌చ్చిన ఈ చిత్రానికి ప్ర‌ముఖ దర్శకుడు భీమనేని శ్రీనివాసరావు ద‌ర్శ‌క‌త్వం వ‌హించారు. ఇదిలా ఉంటే.. మళ్ళీ అల్లరి చేయడానికి, ప్రేక్షకులను నవ్వించడానికి సిద్ధపడుతోంది ఈ ద్వ‌యం. వీరికి తోడుగా.. ఈ సారి హాస్య న‌టుడు, క‌థానాయ‌కుడు సునీల్‌ కూడా చేతులు క‌లుపుతున్న‌ట్లు సమాచారం.
ఇందులో సునీల్‌.. నరేష్ స్నేహితుడిగా క‌నిపించ‌నున్నార‌ని తెలిసింది. ఇదిలా ఉంటే.. ఈ నెల 27వ తేదీన ఈ సినిమా లాంచింగ్‌తో పాటు రెగ్యులర్ షూటింగ్ కూడా మొదలుపెట్టనున్నారు. సుడిగాడు' చిత్రానికి స్వరాలను సమకూర్చిన శ్రీవసంత్ ఈ సినిమాకి కూడా సంగీతాన్ని అందించనున్నారు. తమిళ సినిమా తమిళ పడం' రీమేక్‌గా తెర‌కెక్కిన సుడిగాడు'తో హిట్ అందుకున్న నరేష్, భీమినేని....ఇప్పటికే తమిళంలో షూటింగ్ మొదలుపెట్టిన తమిళ పడం 2.O' చిత్రం కథతో ఈ సినిమాని తెరకెక్కిస్తున్నారా? లేకుంటే మ‌రో కొత్త కథతో రానున్నారా? అనే వివ‌రాలు తెలియాలంటే మరికొంత కాలం వేచి ఉండాల్సిందే.