அனைத்து தெருக்களும் மூடப்பட்டதால் சென்னை புதுப்பேட்டையில் பரபரப்பு!
- IndiaGlitz, [Friday,April 03 2020]
கொரோனா வைரஸ் மிக வேகமாக பரவி வருவதை அடுத்து தமிழகத்தில் கடந்த சில நாட்களாக ஊரடங்கு உத்தரவு அமல் படுத்தப்பட்டு அதனை பெரும்பாலான மக்களும் கடைபிடித்து வருகின்றனர் இருப்பினும் ஒரு சில அத்தியாவசிய தேவை மற்றும் தேவை இல்லாமல் வீட்டை விட்டு வெளியே வருவதால் கொரோனா வைரஸ் அதிகமாக பரவும் அபாயம் இருப்பதாக கூறப்படுகிறது.
அதுமட்டுமின்றி டெல்லி மத மாநாட்டில் கலந்து கொண்டுவிட்டு தமிழகம் திரும்பி வந்தவர்கள் பலருக்கு கொரோனா வைரஸ் பாதிப்பு இருப்பதாகவும் இதனை அடுத்து அவர்களுக்கும் அவர்களுடைய குடும்பம் மற்றும் அக்கம்பக்கத்தில் உள்ளவர்களுக்கு கொரோனா வைரஸ் பரவும் அபாயம் இருப்பதால் அவர்களைக் கண்டறிந்து தனிமைப்படுத்தும் முயற்சியில் சுகாதாரத்துறை அதிகாரிகள் உள்ளதாகவும் செய்திகள் வெளிவந்து கொண்டிருக்கின்றன.
இந்த நிலையில் சென்னை புதுப்பேட்டையில் உள்ள அனைத்து தெருக்களும் தடுப்புகளை வைத்து காவல்துறையினர் திடீரென மூடியுள்ளனர். அதுமட்டுமன்றி வீட்டை விட்டு யாரும் வெளியே வரவேண்டாம் என்றும் காவல்துறையினர் அந்த பகுதி பொதுமக்களுக்கு அறிவித்துள்ளனர். திடீரென சென்னையின் முக்கிய பகுதியான புதுப்பேட்டையில் உள்ள அனைத்து தெருக்களும் மூடப்பட்டு உள்ளதால் பெரும் பரபரப்பு ஏற்பட்டுள்ளது