నంద‌మూరి క‌ళ్యాణ్‌ రామ్ హీరోగా మ‌ల్లిఖార్జున్ తెర‌కెక్కించిన చిత్రం షేర్. ఈ చిత్రంలో క‌ళ్యాణ్ రామ్ స‌ర‌స‌న సోనాల్ చౌహ‌న్ న‌టించారు. ఈ చిత్రాన్ని కొమ‌ర వెంక‌టేష్ నిర్మించారు. ఈరోజు షేర్ ఆడియో ఆవిష్క‌ర‌ణోత్స‌వం పార్క్ హ‌య‌త్ హోట‌ల్లో జ‌రుగుతుంది. ఈ కార్య‌క్ర‌మానికి నంద‌మూరి యంగ్ టైగ‌ర్ ఎన్టీఆర్ ముఖ్య అతిధిగా హాజ‌రు కానున్నారు.

గ‌తంలో క‌ళ్యాణ్ రామ్ న‌టించిన ప‌టాస్ చిత్రం ఆడియో వేడుక‌కు కూడా ఎన్టీఆర్ ముఖ్య అతిధిగా హాజ‌రై ఆడియో రిలీజ్ చేసారు. ఆ ఆడియో వేడుక కూడా పార్క్ హ‌య‌త్ లోనే జ‌రిగింది. మ‌ళ్లీ ఇప్పుడు షేర్ కూడా ప‌టాస్ ఆడియో రిలీజ్ జ‌రిగిన పార్క్ హ‌య‌త్ లోనే...ఎన్టీఆర్ స‌మ‌క్షంలోనే జ‌రుగుతుండ‌డం విశేషం.ఈ చిత్రానికి త‌మ‌న్ సంగీతాన్ని అందించారు. ఈనెల 30న షేర్ చిత్రాన్ని రిలీజ్ చేయ‌నున్నారు.