జ‌న‌సేన అధినేత ప‌వ‌న్ స‌భ‌కు అంతా సిద్దం..!
- IndiaGlitz, [Thursday,November 10 2016]
జ‌న‌సేన పార్టీ అధినేత ప‌వ‌న్ క‌ళ్యాణ్ అనంత‌పురంలో నేడు ఏర్పాటు చేసిన బ‌హిరంగ స‌భ‌కు అన్ని ఏర్పాట్లు పూర్త‌య్యాయి. అనంత‌పురంలోని ప్ర‌భుత్వ జూనియ‌ర్ కాలేజ్ మైదానంలో ప్ర‌త్యేక వేదిక‌ను ఏర్పాటు చేసారు. ఈ వేదిక‌కు క‌ల్లూరు సుబ్బారావు, మైదానానికి త‌రిమెల నాగిరెడ్డి ప్రాంగ‌ణంగా పేరు పెట్టారు. అభిమానులు, కార్య‌క‌ర్త‌లు భారీగా త‌ర‌లివ‌చ్చే అవ‌కాశం ఉండ‌డంతో ఎలాంటి తోపులాట జ‌ర‌గ‌కుండా ఉండేందుకు బారీకేడ్లు ఏర్పాటు చేసారు. 800 మంది పోలీసు బందోబ‌స్తు విధుల‌ను కేటాయించారు.
300 మంది పోలీసుల‌ను రిజ‌ర్వులో ఉంచారు. ఈ స‌భ‌లో దాదాపు గంట‌న్న‌ర పాటు ప‌వ‌న్ ప్ర‌సంగించ‌నున్న‌ట్టు స‌మాచారం. తిరుప‌తి, కాకినాడ స‌భ‌ల్లో ప‌వ‌న్ బి.జె.పి ని టార్గెట్ చేసారు. అయితే...ఇప్పుడు బ్లాక్ మ‌నీని అరిక‌ట్టేందుకు 500, 1000 నోట్లు ర‌ద్దు చేయ‌డంతో మెడీ పై ప్ర‌జ‌ల్లో మోజు పెరిగింది. ఇలాంటి ప‌రిస్థితుల్లో ప‌వ‌న్ ఎవ‌ర్ని టార్గెట్ చేయ‌నున్నాడు..? ఈ బ‌హిరంగ స‌భ‌లో ఏం మాట్లాడ‌నున్నాడు..? అనేది ఆస‌క్తిగా మారింది..!