టాలీవుడ్ లో అంద‌మైన యువ హీరోల్లో నాగ‌శౌర్య కూడా ఒక‌డు. హ‌లో హిట్‌తో అమాంతంగా అమ్మాయిల ఫాలోయింగ్ పెరిగిన హీరో నాగ‌శౌర్య‌. త‌న గ‌త రెండు చిత్రాలు పెద్దగా ఆడ‌క‌పోవ‌డంతో ఇప్పుడు ఆచితూచి అడుగులు వేస్తున్నాడు.

గ‌త రెండు సినిమాల స్క్రిప్ట్ విష‌యంలో ద‌ర్శ‌కుల‌కే మొత్తం విష‌యాన్ని వ‌దిలేయ‌డంతో ఈ చిక్కు వ‌చ్చింద‌ని కూడా టాక్‌. అందుకే క‌థా ప‌రంగా ఎలాంటి అనుమానాలున్నా ముందే తీర్చేసుకోవాల‌ని అనుకుంటున్నార‌ట శౌర్య‌. ఆయ‌న ప్ర‌స్తుతం నందినిరెడ్డి ద‌ర్శ‌క‌త్వంలో స‌మంత న‌టిస్తున్న సినిమాలో ప‌నిచేస్తున్నారు.

ఈ చిత్రంలోనే స‌మంత 70 ఏళ్ల వృద్ధురాలిగా క‌నిపిస్తార‌నే వార్త‌లు వినిపిస్తున్నాయి. ఈ సినిమా త‌ర్వాత శౌర్య న‌టించే సినిమా మ‌రొక‌టి మొద‌లవుతుంది. ఆ సినిమా కోసం సుకుమార్ ఇప్ప‌టికే స్క్రిప్ట్ ఓకే చేశార‌ట‌.

త‌న‌ అసోసియేట్ కాశీ చెప్పిన క‌థ న‌చ్చింద‌ట సుకుమార్‌కు. వెంట‌నే ఓకే చేసేశార‌ట‌. చిన్న చిన్న మార్పులు ఉంటే, వాటిని కూడా స‌రిచేసి, స్క్రిప్ట్ లాక్ చేసేశార‌ట‌. సుకుమార్ ఈ సినిమాకు నిర్మాత‌. ఇందులో నాయిక‌గా నిధి అగ‌ర్వాల్‌ను ఎంపిక చేశార‌ని స‌మాచారం.