நடிகை த்ரிஷாவுக்கு இந்த 2018ஆம் ஆண்டு சூப்பர் ஆண்டாக அமைந்துள்ளது. அவர் நடித்த '96; திரைப்படம் இந்த ஆண்டின் மிகப்பெரிய ஹிட் படங்களில் ஒன்றாக அமைந்தது மட்டுமின்றி அவருடைய கனவான ரஜினியுடன் நடிக்க வேண்டும் என்பதும் 'பேட்ட' படத்தின் மூலம் நிறைவேறியுள்ளது.

இந்த நிலையில் அவர் தற்போது 'கர்ஜனை, 'சதுரங்க வேட்டை 2', '1818' மற்றும் 'பரமபத விளையாட்டு' ஆகிய படங்களில் நடித்து வருகிறார். இந்த நிலையில் த்ரிஷா நடிக்கும் அடுத்த படம் குறித்த தகவல் தற்போது வெளிவந்துள்ளது.

நடிகர் ஜீவா, ஷாலினி பாண்டே நடிப்பில் டான் சாண்டி என்பவர் இயக்கி வரும் 'கொரில்லா' என்ற படத்தை தயாரிக்கும் நிறுவனமான 'ஆல் இன் பிக்சர்ஸ்' நிறுவனம் தயாரிக்கவிருக்கும் அடுத்த படத்தில் த்ரிஷா நடிக்கவுள்ளார் என்பது தற்போது உறுதி செய்யப்பட்டுள்ளது. இந்த படம் குறித்த முழு தகவல்கள் மிக விரைவில் முறைப்படி அறிவிக்கப்படவுள்ளன.