ఆలియా త‌ప్పుకోలేదు... అయితే!!
- IndiaGlitz, [Tuesday,August 25 2020]
బాలీవుడ్ హీరోయిన్ ఆలియా భ‌ట్ రాజ‌మౌళి ద‌ర్శ‌క‌త్వంలో రూపొందుతోన్న ప్రెస్టీజియ‌స్ మూవీ ‘రౌద్రం ర‌ణం రుధిరం(ఆర్ఆర్ఆర్)’ సినిమాలో న‌టిస్తున్న సంగతి తెలిసిందే. క‌రోనా ప్ర‌భావం లేకుండా ఉండుంటే ఆమె పార్ట్ చిత్రీక‌ర‌ణ పూర్త‌య్యుండేది. కానీ ప‌రిస్థితులు ఇంకా స‌హ‌క‌రించ‌డం లేదు. దీంతో.. ఆలియాభ‌ట్ ‘ఆర్ఆర్ఆర్’ ప్రాజెక్ట్ నుండి త‌ప్పుకుంద‌ని, ఆమె స్థానంలో ప్రియాంక చోప్రాను తీసుకున్నార‌ని అనుకుంటున్నార‌ట. కానీ ఈ వార్త‌ల్లో నిజం లేద‌ని చిత్ర యూనిట్ స‌న్నిహిత వ‌ర్గాలు అంటున్నాయ‌ట.
ఎందుకంటే ‘ఆర్ఆర్ఆర్’ ప్రారంభం కావ‌డానికి మ‌రో రెండు నెల‌లు స‌మయం ప‌ట్టేలానే కనిపిస్తుంది. ద‌ర్శ‌క‌ధీరుడు రాజ‌మౌళి ఈ ఏడాది చివ‌ర‌లో సినిమాను షూటింగ్‌ను స్టార్ట్ చేసే అవ‌కాశం ఉంద‌ని, షూటింగ్ స్టార్ట్ అయిన కొన్ని రోజుల త‌ర్వాతనే ఆలియా సెట్స్‌లోకి జాయిన్ అవుతుంద‌ట. అంటే వ‌చ్చే ఏడాదిలోనే ఆలియా భ‌ట్ ..‘ఆర్ఆర్ఆర్’ షూటింగ్‌లో పాల్గొంటుంద‌ని, కాబ‌ట్టి ఆమె ప్రాజెక్ట్ నుండి త‌ప్పుకుంద‌ని వ‌స్తున్న వార్త‌ల్లో నిజం లేద‌ని అంటున్నారు. డి.వి.వి.దాన‌య్య నిర్మాత‌గా యంగ్ టైగ‌ర్ ఎన్టీఆర్‌, మెగాప‌వ‌ర్ స్టార్ రామ్‌చ‌ర‌ణ్ హీరోలుగా న‌టిస్తోన్న ‘ఆర్ఆర్ఆర్’ ప్యాన్ ఇండియా మూవీగా వ‌చ్చే ఏడాదిలోనే విడుద‌ల కానుంది.