பிரமாண்ட இயக்குனர் எஸ்.எஸ்.ராஜமெளலி அவர்கள் 'பாகுபலி' மற்றும் 'பாகுபலி 2' ஆகிய இரண்டு பிரமாண்டமான படங்களை அடுத்து தற்போது ராம்சரண்தேஜா மற்றும் ஜூனியர் என்.டி.ஆர் நடித்து வரும் 'ஆர்.ஆர்.ஆர்' என்ற படத்தை இயக்கி வருகிறார்.

இந்த படத்தின் முதல்கட்ட படப்பிடிப்பு முடிந்துவிட்ட நிலையிலும் இன்னும் இந்த படத்தின் நாயகிகள் குறித்த தகவல் வெளியே வரவில்லை. பல முன்னணி நடிகைகளிடம் எஸ்.எஸ்.ராஜமெளலி பேச்சுவார்த்தை நடத்தி வருவதாக தகவல்கள் வெளிவந்தது

இந்த நிலையில் தற்போது எஸ்.எஸ்.ராஜமெளலி, பிரபல பாலிவுட் நடிகை அலியா பட் அவர்களிடம் பேச்சுவார்த்தை நடத்த முடிவு செய்துள்ளதாகவும், இதற்காக அவர் கரண்ஜோஹரை நாடியுள்ளதாகவும் செய்திகள் வெளிவந்துள்ளது. அலியா பட் இந்த படத்தில் நடிப்பது இன்னும் உறுதி செய்யப்படவில்லை என்றும் என்றாலும் மிக விரைவில் இதுகுறித்த தகவல் வெளிவரும் என எதிர்பார்க்கப்படுகிறது.