ఏ సినిమా అయినా విజ‌యం సాధిస్తే...ఆ సినిమాలోని కొన్ని సీన్స్ ను స్పూఫ్ చేస్తుండ‌డం మామూలే. ఇప్పుడు జ‌న‌తా గ్యారేజ్ సినిమాలోని కొన్ని సీన్స్ ను స్పూఫ్ చేస్తున్నారు. ఇంత‌కీ ఏ సినిమాలో కోసం అంటే....అల్ల‌రి న‌రేష్ హీరోగా జి.నాగేశ్వ‌ర‌రెడ్డి ద‌ర్శ‌క‌త్వంలో ఇంట్లో దెయ్యం నాకేం భ‌యం అనే చిత్రం రూపొందుతుంది. ఈ చిత్రాన్ని బి.వి.ఎస్.ఎన్ ప్ర‌సాద్ నిర్మిస్తున్నారు.

ఈ చిత్రం కోసం జ‌న‌తా గ్యారేజ్ ను స‌మంతా గ్యారేజ్ గా మార్చేసి ఆలీ పై స్పూఫ్ చేస్తున్నార‌ట‌. మోహ‌న్ లాల్ పాత్ర‌ను భ‌జ‌న్ లాల్ గా మార్చేసార‌ట‌. ఇటీవ‌ల ఈ స్పూఫ్ కి సంబంధించిన స‌న్నివేశాలు చిత్రీక‌రించారు. ఆలీ భ‌జ‌న్ లాల్ గెట‌ప్ ఎలా ఉంటుందో తెలియ‌చేసేందుకు ఆలీతో సెల్ఫీ తీసుకుని ఫేస్ బుక్ లో పోస్ట్ చేసారు డైరెక్ట‌ర్ నాగేశ్వ‌ర‌రెడ్డి. గెట‌ప్ బాగానే ఉంది మ‌రి...తెర పై స్పూఫ్ ఎలా ఉంటుందో చూడాలి..!