పాపం...అఖిల్ సయేషా..!
- IndiaGlitz, [Monday,October 31 2016]
అఖిల్ మూవీతో టాలీవుడ్లో ఎంట్రీ ఇచ్చిన బాలీవుడ్ హీరోయిన్ సయేషా సైగ‌ల్. బాలీవుడ్ సీనియ‌ర్ ఏక్ట‌ర్ దిలీప్ కుమార్ మ‌న‌వ‌రాలైన సయేషా టాలీవుడ్ సీనియ‌ర్ ఏక్ట‌ర్ అక్కినేని మ‌న‌వ‌డు అఖిల్ తో న‌టించి అంద‌రి దృష్టి ఆక‌ర్షించింది. టాలీవుడ్ లో బిజీ హీరోయిన్ అవ్వాల‌ని చాలా ఆశ‌లు పెట్టుకుంది. అయితే...అఖిల్ మూవీ స‌క్సెస్ కాక‌పోవ‌డంతో...టైమ్ క‌లిసి రాకపోవ‌డంతో ఆమె ఆశ నిరాశే అయ్యింది. ఇక టాలీవుడ్ లో లాభం లేద‌నుకుని బాలీవుడ్లో ప్ర‌య‌త్నించింది.
అజ‌య్ దేవ‌గ‌న్ స‌ర‌స‌న శివాయ్ చిత్రంలో న‌టించింది. ఈ చిత్రం దీపావ‌ళి కానుక‌గా రిలీజైంది. అయితే...ఇక్క‌డ కూడా స‌యేషాకు టైమ్ క‌లిసి రాలేదు. సినిమా ఫ్లాప్ అయ్యింది. టాలీవుడ్, బాలీవుడ్ రెండింటిలో స‌యేషాకు స‌క్సెస్ రాలేదు. ఇక మూడ‌వ ప్ర‌య‌త్నంగా కోలీవుడ్ లో ప్ర‌య‌త్నిస్తున్న‌ట్టు స‌మాచారం. మ‌రి...మూడ‌వ ప్ర‌య‌త్నం అయినా ఫ‌లిస్తుందో లేదో చూడాలి..!