ఈ మ‌ధ్య విడుద‌లైన చిత్రాల్లోని పాట‌ల్లో అల వైకుంఠ పుర‌ములో సాంగ్స్‌కు వ‌చ్చినంత రెస్పాన్స్ మ‌రే సినిమాకు రాలేదు. అల్లు అర్జున్‌, త్రివిక్ర‌మ్ కాంబినేష‌న్‌లో రూపొందిన ఈ చిత్రం బ్లాక్ బ‌స్ట‌ర్ విజ‌యాన్ని సాధించింది. పాట‌ల విష‌యానికి వ‌స్తే.. సినిమా విడుద‌ల‌కు ముందు లిరిక‌ల్ వీడియో సాంగ్స్ సెన్సేష‌న్ క్రియేట్ చేశాయి. ‘సామ‌జ‌వ‌ర‌గ‌మ‌న‌..’, ‘రాములో రాముల ...’, ‘బుట్ట‌బొమ్మ..’ సాంగ్స్‌కు విప‌రీత‌మైన క్రేజ్ ద‌క్కింది. ఒక్కొక్క సాంగ్ వంద మిలియ‌న్ మార్కును చేరుకున్నాయి. బాలీవుడ్ తారలు, డేవిడ్ వార్నర్ అందరూ ఈ పాట‌ల‌కు టిక్ టాక్ వీడియోలు కూడా చేశారు.

ఇప్ప‌టికే బుట్ట‌బొమ్మ, రాములో రాముల వీడియో సాంగ్‌లు వ‌న్ మిలియ‌న్ వ్యూస్‌ను రాబ‌ట్టుకున్నాయి. తాజాగా అల వైకుంఠ‌పుర‌ములో ఈ సాంగ్స్ మ‌రో రికార్డును క్రియేట్ చేశాయి. అది కూడా గ్లోబెల్ రేంజ్‌లో. గ్లోబెల్ టాప్ 100 వీడియో సాంగ్స్‌లో బుట్ట‌బొమ్మ సాంగ్ టాప్ 15 స్థానాన్ని ఆక్ర‌మించుకోగా.. రాములో రాముల సాంగ్ 49వ స్థానాన్ని ద‌క్కించుకుంది. ఓ తెలుగు సినిమాలో రెండు పాట‌ల‌కు ఈ స్థానం ద‌క్క‌డంపై సినీ అభిమానులు, బ‌న్నీ అభిమానులు సంతోషాన్ని వ్య‌క్తం చేస్తున్నారు.