ஸ்ரீராமருக்கு 1000 கோயில்கள் இருக்கலாம், ஆனா சேது ஒண்ணு தான் இருக்குது: 'ராமர் பாலம்' டிரைலர்
- IndiaGlitz, [Tuesday,October 11 2022]
பிரபல பாலிவுட் நடிகர் அக்ஷய் குமார் நடித்த ’ராம் சேது’ என்ற பாலிவுட் திரைப்படத்தின் படப்பிடிப்பு முடிவடைந்து வரும் தீபாவளி அன்று உலகம் முழுவதும் தமிழ் உள்பட 5 மொழிகளில் வெளியாக உள்ளது. இந்த படத்தின் தமிழ் பதிப்பிற்கு ‘ராமர் பாலம்’ என்ற டைட்டில் வைக்கப்பட்டுள்ளது.
இந்த படத்தின் டீசர் சமீபத்தில் வெளியாகி மிகப்பெரிய வரவேற்பு பெற்ற நிலையில் தற்போது இந்த படத்தின் டிரைலர் வெளியாகியுள்ளது. லைகா நிறுவனத்தின் சுபாஸ்கரன் மேலும் மூன்று நிறுவனங்களுடன் இணைந்து பிரம்மாண்டமாக தயாரித்துள்ள இந்த படத்தின் டிரைலர் 2 நிமிட ட்ரைலர் அசத்தலாக உள்ளது.
இலங்கைக்கும் தமிழகத்துக்கும் இடையே உள்ள ராமர் பாலம் என்று தமிழிலும் ஆடம் பிரிட்ஜ் என்று ஆங்கிலத்திலும் கூறப்படும் பாலம் இராமாயண புராண காலத்தில் இருந்தே புகழ்பெற்றது. இந்த பாலம் குறித்த உண்மைத் தன்மையை ஆராய செல்லும் ஒரு தொல் பொருள் ஆய்வாளரின் கதைதான் இந்த படத்தின் கதை என்று கூறப்படுகிறது.
அக்ஷய்குமார், சத்யதேவ், ஜாக்குலின் பெர்னான்டஸ் ,நாசர் உள்ளிட்ட பலர் நடிப்பில் உருவாகி இந்த படத்தை அபிஷேக் சர்மா இயக்கியுள்ளார். இந்த படம் அக்டோபர் 25ஆம் தேதி திரையரங்குகளில் பிரமாண்டமாக வெளியாக உள்ளது என்பது குறிப்பிடத்தக்கது.