உலகம் முழுவதும் 'மீ டூ' என்ற ஹேஷ்டேக் மூலம் பிரபலங்கள் உள்பட பல பெண்கள் தங்களுக்கு நேர்ந்த பாலியல் தொல்லைகள் குறித்து சமூக வலைத்தளங்களில் பதிவு செய்து வருகின்றனர். அந்த வகையில் சமீபத்தில் 'தீராத விளையாட்டு பிள்ளை' நடிகை தனுஸ்ரீ தத்தா, பிரபல நடிகர் நானா படேகர் மீது பாலியல் குற்றச்சாட்டை கூறினார். அதேபோல் இயக்குனர் சஜித்கான் மீது பிரபல பெண் பத்திரிகையாளர் ஒருவரும் பாலியல் குற்றச்சாட்டை சுமத்தினார்.

இந்த நிலையில் சஜித்கான் இயக்கத்தில் 'ஹவுஸ்புல் 4' என்ற படத்தில் நடிக்க '2.0' பட வில்லன் அக்சயகுமார் ஒப்பந்தமாகியிருந்தார். இந்த படத்தில் முக்கிய வேடம் ஒன்றில் நானா படேகரும் நடிக்கவுள்ளர்.

இந்த படத்தின் படப்பிடிப்பில் கலந்து கொள்ளும் முன், நானா படேகர், சஜித்கான் ஆகிய இருவர் மீதும் 'மீ டூ' ஹேஷ்டேக் மூலம் பாலியல் குற்றச்சாட்டு இருந்ததால் இந்த படத்தில் இருந்து விலகி கொள்வதாக நடிகர் அக்சயகுமார் முடிவு செய்து அதனை படக்குழுவினர்களுக்கு தெரிவித்துள்ளார். அக்சயகுமாரின் இத்தனை ஆண்டு திரையுலக அனுபவத்தில் ஒரு படத்தில் நடிக்க ஒப்புக்கொண்டு விலகுவது இதுவே முதல் முறை என்று கூறப்படுகிறது.