அஜித்தின் 'வீரம்' இந்தி ரீமேக் படத்தின் டைட்டில் அறிவிப்பு
- IndiaGlitz, [Friday,September 01 2017]
அஜித், தமன்னா நடிப்பில் இயக்குனர் சிவா இயக்கிய 'வீரம்' திரைப்படம் கடந்த 2014ஆம் ஆண்டு வெளிவந்து நல்ல வரவேற்பை பெற்றது. அஜித்-சிவா கூட்டணியில் உருவான முதல் படமான இந்த படம் தற்போது இந்தியில் ரீமேக் செய்யப்படவுள்ளது.
பிரபல பாலிவுட் நடிகரும் ரஜினியின் '2.0' படத்தின் வில்லனுமான அக்சயகுமார் இந்த படத்தில் அஜித் கேரக்டரில் நடிக்கின்றார். ஃபர்கத் சாம்ஜி இயக்கவுள்ள இந்த படத்தை சாஜித் நாதித்வாலா தயாரிக்கவுள்ளார். இவர் இயக்கவுள்ள அக்சயகுமாரின் ஒன்பதாவது படம் இது என்பது குறிப்பிடத்தக்கது. தமன்னா கேரக்டரில் நடிக்க பிரபல நடிகை ஒருவரிடம் பேச்சுவார்த்தை நடத்தப்படுகிறது.
லேண்ட் ஆஃப் லுங்கி (Land of Lungi) என்ற டைட்டில் வைக்கப்பட்டுள்ளதாக கூறப்படும் இந்த படத்தின் படப்பிடிப்பு வெகுவிரைவில் தொடங்கவுள்ளது. ஏற்கனவே 'ரவுடி ரத்தோர்' உள்பட ஒருசில தென்னிந்திய படங்களின் ரீமேக்கில் நடித்துள்ள அக்சயகுமாருக்கும் இந்த படமும் பாலிவுட்டில் வெற்றி பெற்று நல்ல வசூலை பெறும் என்று எதிர்பார்க்கப்படுகிறது.