పుట్టిరోజు సంద‌ర్భంగా కొత్త సినిమాను అనౌన్స్ చేసిన అక్షయ్
- IndiaGlitz, [Monday,September 09 2019]
బాలీవుడ్ స్టార్ హీరో అక్ష‌య్‌కుమార్ నేటితో 52లోకి అడుగు పెట్టారు. వ‌రుస విజ‌యాల‌ను మంచి ఊపు మీదున్న అక్షయ్ కుమార్ వ‌రుస సినిమాలను అనౌన్స్ చేస్తూ మంచి విజ‌యాల‌ను సాధిస్తూ.. అంద‌రినీ ఆక‌ట్టుకుంటున్నారు. పుట్టిన‌రోజు సంద‌ర్భంగా అక్షయ్ మ‌రో కొత్త ప్రాజెక్ట్‌ను అనౌన్స్ చేసి అభిమానుల‌కు తీపి క‌బురుని అందించారు. అక్షయ్ త‌న ట్విట్ట‌ర్ ద్వారా తాను 'పృథ్వీరాజ్‌' అనే సినిమాను చేయ‌బోతున్న‌ట్లు ప్ర‌క‌టించారు. ''నా కెరీర్‌లో తొలి హిస్టారిక‌ల్ మూవీ చేయ‌బోతున్నాను. ఈ విష‌యాన్ని పుట్టిన‌రోజు సంద‌ర్భంగా అనౌన్స్ చేయడం ఆనందంగా ఉంది. గొప్ప ధైర్య‌శాలి, విలువ‌లున్న వ్య‌క్తి పాత్ర‌లో న‌టించ‌డం అదృష్టంగా భావిస్తున్నాను.
నా కెరీర్‌లో ఇదే బిగ్గెస్ట్ మూవీ. య‌ష్ రాజ్ ఫిలింస్ బ్యాన‌ర్‌పై డా.చంద్ర ప్ర‌కాశ్ ద్వివేది ఈ చిత్రం రూపొందుతోంది. వ‌చ్చే ఏడాది దీపావ‌ళికి సినిమా విడుద‌ల కానుంది'' అని ప్ర‌క‌టించారు అక్షయ్
అక్షయ్ స్పీడుని చూసి ఇత‌ర బాలీవుడ్ హీరోలు బెంబేలు ప‌డుతున్నారు. అంద‌రూ ఓ సినిమా చేయ‌డానికి ఆచి తూచి అడుగులేస్తుంటే మాత్రం అక్షయ్ జెట్ స్పీడులో దూసుకెళ్తున్నాడు. ఒక ప‌క్క సినిమాలు విడుద‌లవుతుంటే.. మ‌రో ప‌క్క కొత్త ప్రాజెక్టుల‌ను అనౌన్స్ చేస్తు్నాడు అక్షయ్. రీసెంట్‌గా ఆగ‌స్ట్ 15న 'మిష‌న్ మంగ‌ల్‌'తో మ‌రో హిట్‌ను త‌న ఖాతాలో వేసుకున్నారు అక్షయ్.
ఇక ఈ ఏడాది అక్టోబ‌ర్ 25న 'హౌస్‌ఫుల్ 4' విడుద‌ల కానుంది. డిసెంబ‌ర్ 27న 'గుడ్‌న్యూస్' సినిమా విడుద‌ల‌కానుంది. వ‌చ్చే ఏడాది 27 మార్చిన 'సూర్య‌వంశీ' విడుద‌ల కానుంది. వ‌చ్చే ఏడాది మే 22న ల‌క్ష్మీబాంబ్ ..త‌ర్వాత బ‌చ్చ‌న్ పాండే.. ఆ త‌ర్వాత వ‌చ్చే ఏడాది దీపావ‌ళికి 'పృథ్వీరాజ్‌' చిత్రాలు విడుద‌ల కానున్నాయి. అస‌లు రెండు, మూడు నెల‌ల గ్యాప్‌తో అక్షయ్ బాలీవుడ్ బాక్సాఫీస్‌పై దాడి చేస్తున్నాడు.