அக்சய்குமார் படத்தை ரீமேக் செய்வாரா உதயநிதி?
- IndiaGlitz, [Monday,July 18 2016]
பாலிவுட்டில் கடந்த 2013ஆம் ஆண்டு வெளியான சூப்பர் ஹிட் படம் 'ஜாலி LLB. இந்த படத்தை தமிழில் உதயநிதி ஸ்டாலின் 'மனிதன்' என்ற பெயரில் ரீமேக் செய்தார். தொடர்ந்து காமெடி ஹீரோவாக நடித்து வந்த உதயநிதி முதன்முதலாக தனது சீரியஸ் நடிப்பையும் வெளிப்படுத்த வாய்ப்பு கிடைத்த இந்த படம் பாக்ஸ் ஆபீசில் நல்ல வெற்றியை பெற்றது.
இந்நிலையில் 'ஜாலி LLB படத்தின் இரண்டாம் பாகத்தின் படப்பிடிப்பு இன்றுமுதல் தொடங்கவுள்ளது. பிரபல பாலிவுட் நடிகர் அக்சய்குமார் மற்றும் ஹுமா குரோஷி இந்த படத்தில் நடிக்கவுள்ளனர். இந்த படத்திலும் கோர்ட் காட்சிகள் அதிகம் இருக்கும் என்பது இன்று வெளியாகியுள்ள ஃபர்ஸ்ட்லுக்கில் இருந்தே தெரியவருகிறது.
தற்போது மூன்று படங்களில் பிசியாக உள்ள உதயநிதி, 'ஜாலி LLB' படத்தின் இரண்டாம் பாகத்தையும் ரீமேக் செய்வாரா? என்பதை பொறுத்திருந்து பார்ப்ப்போம்.