పీవీ సింధు బ‌యోపిక్ లో అక్కీభాయ్‌
- IndiaGlitz, [Wednesday,August 28 2019]
పీవీ సింధు బ‌యోపిక్‌లో అక్కీ భాయ్ న‌టించ‌నున్నార‌నే వార్త‌లు వేగంగా స్ప్రెడ్ అవుతున్నాయి. వ‌ర‌ల్డ్ ఛాంపియ‌న్‌షిప్‌లో గోల్డ్ మెడ‌ల్‌సాధించి పీవీ సింధు భార‌త‌దేశం త‌లెత్తుకునేలా చేశారు. వ‌ర‌ల్డ్ చాంపియ‌న్‌షిప్‌ల‌లో మెడ‌ళ్లు ఆమెకు కొత్తేమీ కాదు. 2017, 18లో ఆమె ర‌జ‌తం సాధించారు. కానీ ప‌ట్టువ‌ద‌ల‌ని విక్ర‌మార్కుడి చెల్లెలాగా ఆమె తాజాగా బంగారు ప‌త‌కాన్ని కైవ‌సం చేసుకున్నారు. ప్ర‌ధాని మోదీ నుంచీ అంద‌రూ ఈ తెలుగు బిడ్డ‌ను కీర్తిస్తున్నారు.
సోష‌ల్ మీడియాలో ఈమె గురించి ఎంతో మంది స్ఫూర్తిపూర్వ‌కంగా వ్యాఖ్య‌లు చేస్తూనే ఉన్నారు. బాలీవుడ్ అక్కీ భాయ్ కూడా ఆ లిస్టులో ఉన్నారు. తాజాగా ఆయ‌న పీవీ సింధు విష‌యంలో మ‌రో అడుగు ముందుకేస్తున్న‌ట్టు తెలుస్తోంది. ఇప్పుడు వెండితెర‌మీద బ‌యోపిక్‌ల హ‌వా జ‌రుగుతోంది. ఈ హ‌వాలో పీవీసింధు కూడా త‌న స్థానాన్ని ప‌దిలంగా ప‌ట్టుకున్న‌ట్టు అర్థ‌మ‌వుతోంది. పీవీ సింధు బ‌యోపిక్‌లో అక్ష‌య్ కుమార్... కోచ్‌ పుల్లెల గోపీచంద్‌గా న‌టించ‌బోతున్నార‌ని సమాచారం. ఈ విష‌యం గురించి పుల్లెల గోపీచంద్ త‌న మ‌న‌సులోని మాట‌ల‌ను బ‌య‌ట‌పెట్టారు.
ఆయ‌న మాట్లాడుతూ ''అక్ష‌య్‌కుమార్‌ను అభిమానించ‌ని వారు అరుదుగా ఉంటారు. నేను ఆయ‌న‌కు పెద్ద అభిమానిని. నా పాత్ర‌లో ఆయ‌న క‌నిపిస్తార‌న‌డం విన‌డానికి చాలా బావుంది. కానీ నిజంగా పీవీ సింధు బ‌యోపిక్ తెర‌కెక్కుతోందా? అందులో నా పాత్ర‌లో ఆయ‌న న‌టించ‌డానికి సుముఖంగా ఉన్నారా? అనే విష‌యం మీద నాకు స‌రైన అవ‌గాహ‌న లేదు'' అని అన్నారు.
మ‌రో వైపు తెలుగులో పుల్లెల గోపీచంద్ బ‌యోపిక్ తెర‌కెక్కుతోన్న విష‌యం తెలిసిందే. ఈ సినిమాలో బ్యాడ్మింట‌న్ క్రీడాకారుడు, న‌టుడు, హీరో సుధీర్‌బాబు క‌థానాయ‌కుడిగా న‌టిస్తున్నారు. ఈ చిత్రాన్ని ప్ర‌వీణ్ స‌త్తారు తెర‌కెక్కిస్తున్నారు. మ‌రోవైపు సుధీర్ బాబు ప్ర‌స్తుతం మోహ‌న‌కృష్ణ ఇంద్ర‌గంటి ద‌ర్శ‌క‌త్వంలో 'వి' చిత్రంలో న‌టిస్తున్నారు.
ఒక‌వేళ బాలీవుడ్‌లో అక్ష‌య్‌కుమార్ క‌నుక పీవీ సింధు బ‌యోపిక్‌లో పుల్లెల గోపీచంద్ పాత్ర‌లో న‌టించ‌న‌ట్ట‌యితే, ఆల్రెడీ ఆ పాత్ర చేస్తున్న సుధీర్‌బాబుకు అవ‌కాశం ఉంటుంది. అదే అక్కీ భాయ్ గ‌నుక చేస్తే అక్కీ భాయ్‌కీ, సుధీర్ బాబు న‌ట‌న‌కూ మ‌ధ్య పోలిక‌లు వ‌చ్చే అవ‌కాశం ఉంది.