ஷங்கர் ஒரு இயக்குனரே இல்லை. '2.0' வில்லன் அக்சயகுமார்
- IndiaGlitz, [Saturday,July 02 2016]
இந்தியாவின் பிரமாண்ட இயக்குனரான ஷங்கர் தற்போது சூப்பர் ஸ்டார் ரஜினிகாந்த் நடித்து வரும் '2.0' படத்தை இயக்கி வருகிறார். உலக தரத்தில் உருவாகி வரும் இந்த படத்திற்கு பெரும் எதிர்பார்ப்பு ஏற்பட்டுள்ளது.
இந்நிலையில் இந்த படத்தில் வில்லனாக நடிக்கும் பிரபல பாலிவுட் நடிகர் அக்சயகுமார், 'ஷங்கரை ஒரு இயக்குனராக மட்டும் நாம் பார்க்க கூடாது. ஒவ்வொரு படத்திற்கு முன்பும் அந்த படம் எப்படி அமையவேண்டும் என்பதை அவர் மாதக்கணக்கில் ஒரு விஞ்ஞானியை போல ஆய்வு செய்கிறார். எனவே அவரை இயக்குனர் என்று கூறுவதை விட சயிண்டிஸ்ட் என்று கூறுவதுதான் பொருத்தமாக இருக்கும் என்று அவர் பெருமையாக தெரிவித்துள்ளார்.
மேலும் சூப்பர் ஸ்டார் ரஜினிகாந்த் குறித்து கூறியபோது, 'ரஜினிகாந்த் பிறக்கும்போதே ஸ்டைலுடன் பிறந்தவர். அவருடைய நிஜ வாழ்விலும் அவரது ஒவ்வொரு அசைவிலும் ஒரு ஸ்டைலை பார்க்கலாம். மேலும் ரஜினிகாந்த் மிக எளிமையான மற்றும் மனித நேயம் மிக்கவர்' என்று புகழாரம் சூட்டியுள்ளார்.
2017ஆம் ஆண்டு வெளியாகவுள்ள இந்த படத்தில் ரஜினிகாந்த், அக்சயகுமாருடன் எமிஜாக்சன் இணைந்து நடித்துள்ளார் என்பது குறிப்பிடத்தக்கது.