உலக நாயகன் கமலஹாசனின் மகளும் நடிகையுமான அக்சராஹாசன் ஏற்கனவே அஜித்தின் ’விவேகம்’ மற்றும் விக்ரமின் ‘கடாரம் கொண்டான்’ ஆகிய திரைப்படங்களில் நடித்த நிலையில் தற்போது விஜய்ஆண்டனி மற்றும் அருண்விஜய் இணைந்து நடிக்கும் திரைப்படமான அக்னி சிறகுகள் என்ற படத்தில் இணைந்துள்ளார். இந்த படத்தில் அக்சராஹாசன் இணைந்ததை அடுத்து இந்த படத்தின் எதிர்பார்ப்பு அதிகரித்துள்ளது

அக்சராஹாசன் இந்த படத்தில் இணைந்துள்ள அருண்விஜய் மற்றும் விஜய் ஆண்டனி ஆகியோர் தனது சமூக வலைத்தளத்தில் உறுதி செய்துள்ளனர். மேலும் அக்சராஹாசன்படக்குழுவினர்களுடன் இருக்கும் புகைப்படத்தையும் அவர்கள் பதிவு செய்துள்ளனர் என்பது குறிப்பிடத்தக்கது

இந்த படத்தின் படப்பிடிப்பு தற்போது ரஷ்யாவில் நடைபெற்று வருவதாகவும் விரைவில் இந்தியா திரும்பும் படக்குழுவினர் அடுத்தகட்ட படப்பிடிப்பில் ஈடுபட இருப்பதாகவும் தெரிவிக்கப்பட்டுள்ளது. மேலும் இந்த படத்தில் ’அர்ஜுன் ரெட்டி’ நாயகி ஷாலினி பாண்டே, பிரகாஷ்ராஜ், நாசர், பிக்பாஸ் புகழ் மீராமிதுன், தலைவாசல் விஜய் உள்பட பலர் நடித்து வருகின்றனர். நடராஜன் சங்கரன் இசையமைக்கும் இந்த படத்திற்கு பாட்ஷா ஒளிப்பதிவும், கிருபாகரன் புருஷோத்தமன் படத்தொகுப்பு பணியும் செய்து வருகின்றனர். இந்த படத்தை ’மூடர் கூடம்’ நவீன் இயக்கி வருகிறார்