ஒரே படத்தில் இணையும் கமல்-நாசர் வாரிசுகள்
- IndiaGlitz, [Thursday,July 12 2018]
கமல்ஹாசனும் நாசரும் பல படங்களில் இணைந்து நடித்துள்ளனர். இவர்கள் இருவருக்கும் இடையேயுள்ள நட்பு பல ஆண்டுகளாக நீடித்து வருகின்றது. சமீபத்தில் 'விஸ்வரூபம் 2' புரமோஷன் விழாவில், 'நாசர், ராஜ்கமல் இண்டர்நேஷனல் நிறுவனத்தின் செல்லப்பிள்ளை என்று கூறியிருந்தார்.
இந்த நிலையில் ஒரே படத்தில் கமல்ஹாசன் மற்றும் நாசரின் வாரிசுகள் இணையவுள்ளதாக செய்திகள் வெளிவந்துள்ளது. கமல்ஹாசன் நடித்த 'தூங்காவனம்' படத்தை இயக்கிய ராஜேஷ் செல்வா இயக்கும் அடுத்த படத்தில் விக்ரம், அக்சராஹாசன் நடிக்கவுள்ளனர் என்பது தெரிந்ததே. இந்த படத்தில் தற்போது நாசரின் இளையமகன் அபி மெக்தி இணைந்துள்ளார்.
ஏற்கனவே 'சைவம்' உள்பட ஒருசில படங்களில் நாசரின் மூத்த மகன் லுத்புதின் நடித்திருக்கும் நிலையில் தற்போது நாசரின் இளையமகன் அபியும் திரையுலகில் அறிமுகமாகிறார். இந்த படத்தில் அக்சராஹாசன், விக்ரமுக்கு ஜோடியாக நடிக்கின்றாரா? அல்லது அபிக்கு ஜோடியாக நடிக்கின்றாரா? என்பதை பொறுத்திருந்து பார்ப்போம். ராஜ்கமல் இண்டர்நேஷனல் நிறுவனம் தயாரிக்கும் இந்த படத்தின் படப்பிடிப்பு வரும் ஆகஸ்ட் முதல் தொடங்கவுள்ளது. இந்த படத்திற்கு ஜிப்ரான் இசையமைக்கவுள்ளார்.