అక్కినేని మ‌ల్టీస్టార‌ర్ ద‌ర్శ‌కుడెవ‌రంటే?
- IndiaGlitz, [Friday,July 26 2019]
ఇండియ‌న్ సినిమాల్లోనే మూడు త‌రాల న‌టులు క‌లిసి న‌టించిన మ‌ల్టీస్టార‌ర్ చిత్రాల్లో 'మ‌నం' రెండో చిత్రం. అక్కినేని ఫ్యామిలీకి అంత ఘ‌న చ‌రిత్ర ఉంది. ఇప్పుడు ఈ అక్కినేని ఫ్యామిలీ నుండి మ‌రో మ‌ల్టీస్టార‌ర్ కూడా రానుంద‌ట. అక్కినేని వార‌సులు నాగ‌చైత‌న్య, అఖిల్‌తో ఓ మ‌ల్టీస్టార‌ర్ ప్లాన్‌లో ఉంద‌ట. ఆస‌క్తిక‌ర‌మైన విష‌య‌మేమంటే ఈ చిత్రానికి రాహుల్ ర‌వీంద్ర‌న్ ద‌ర్శ‌క‌త్వం వ‌హిస్తాడ‌నేదే. 'చి.ల.సౌ' సినిమాతో మోస్త‌రు విజ‌యాన్ని త‌న ఖాతాలో వేసుకున్న రాహుల్ ర‌వీంద్ర‌న్‌కి రెండో సినిమాతోనే నాగార్జున‌ని డైరెక్ట్ చేసే అవ‌కాశం ద‌క్కింది. రాహుల్ వ‌ర్క్ ప‌ట్ల అన్న‌పూర్ణ స్టూడియోస్ హ్యాపీ అట. కాబ‌ట్టి, ఈ అక్కినేని మల్టీస్టార‌ర్‌కు రాహుల్ అయితే బెట‌ర్ అనుకుంటున్నార‌ని టాక్‌. మరి ఇద్ద‌రి హీరోల‌ను మేనేజ్ చేయ‌డం అంటే అంత ఈజీ కాదు మరి చివ‌ర‌కు ఈ నిర్ణ‌యం ఎలాంటి మ‌లుపు తీసుకుంటుందో చూడాలి.