అక్కినేని బ్ర‌ద‌ర్స్ నాగ‌చైత‌న్య‌, అఖిల్ వైజాగ్ లో సంద‌డి చేస్తున్నారు. ఇంత‌కీ చైతు, అఖిల్ వైజాగ్ లో ఏం చేస్తున్నారు అంటే...నాగ చైత‌న్య హీరోగా క‌ళ్యాణ్ కృష్ణ ద‌ర్శ‌క‌త్వంలో ఓ చిత్రం రూపొందుతుంది. ఈ చిత్రాన్ని అన్న‌పూర్ణ స్టూడియోస్ బ్యాన‌ర్ లో నాగార్జున నిర్మిస్తున్నారు. ఇటీవ‌ల హైద‌రాబాద్ లో షూటింగ్ జ‌రుపుకున్న ఈ చిత్రం ప్ర‌స్తుతం వైజాగ్ లో షూటింగ్ జ‌రుపుకుంటుంది.

ఈ షూటింగ్ నిమిత్తం వైజాగ్ వ‌చ్చిన చైత‌న్య‌ను ఫ్యాన్స్ క‌లిసి ప్రేమ‌మ్, సాహ‌సం శ్వాస‌గా సాగిపో చిత్రాల‌తో వ‌రుస విజ‌యాలు సాధించినందుకు అభినంద‌న‌లు తెలియ‌చేసారు. ఇక అఖిల్ వైజాగ్ రావడానికి కార‌ణం ఏమిటంటే...సౌత్ ఇండియా షాపింగ్ మాల్ కు అఖిల్ బ్రాండ్ అంబాసిడ‌ర్ గా ఉన్న విష‌యం తెలిసిందే. గ‌తంలో హైద‌రాబాద్ కొత్త‌పేట‌లో షాపింగ్ మాల్ ప్రారంభించారు. ప‌దో షాపింగ్ మాల్ ను వైజాగ్ లో ప్రారంభించారు. ఈ ప్రారంభోత్స‌వం కోసం అఖిల్ వైజాగ్ వ‌చ్చారు. ఈ విధంగా ఒకేరోజు అక్కినేని బ్ర‌ద‌ర్స్ చైత‌న్య‌, అఖిల్ వైజాగ్ లో సంద‌డి చేయ‌డం విశేషం..!