ప్ర‌స్తుతం స్టార్ వార‌సులు ఎక్కువ‌య్యారు. ఈ నేప‌థ్యంలో ఒక్కొక్క‌సారి ఒకే నెల‌లో ఒకే కుటుంబానికి చెందిన హీరోలు పోటీ ప‌డాల్సి వ‌స్తుంది. ఇప్పుడు అలాంటి ప‌రిణామం అక్కినేని హీరోల‌కు ఎదుర‌వుతుంది. అస‌లు విష‌యంలోకి వ‌స్తే.. మే నెల‌లో అక్కినేని నాగ‌చైత‌న్య‌, అఖిల్ బాక్సాఫీస్ ద‌గ్గ‌ర పోటీ ప‌డ‌బోతున్నారు. నాగ‌చైత‌న్య ‘లవ్‌స్టోరి’ సినిమాతో ప్రేక్ష‌కుల ముందుకు వ‌స్తుంటే.. అఖిల్ అక్కినేన ‘మోస్ట్ ఎలిజిబుల్ బ్యాచ్‌ల‌ర్’ సినిమాతో సంద‌డి చేయ‌బోతున్నాడు. వీరిద్ద‌రి సినిమాల్లో రెండు విష‌యాల‌ను గ‌మ‌నించ‌వ‌చ్చు. ఈ రెండు సినిమాలు ప్రేమ‌క‌థా చిత్రాలు కావ‌డం ఒక‌టైతే.. రెండు ఇంగ్లీష్ టైటిల్స్‌తో రూపొందుతుండ‌టం మ‌రో విష‌యం.

నిజానికి నాగ‌చైత‌న్య ‘ల‌వ్‌స్టోరి’ని ఏప్రిల్‌లో విడుద‌ల చేయాల‌ని అనుకున్నారు. అయితే మేకింగ్ కార‌ణాల‌తో సినిమాను మే నెల‌లో విడుద‌ల చేయ‌బోతున్నారు. అలాగే.. అఖిల్ విషయంలోనే అలాగే జ‌రుగుతుంది. అఖిల్ ‘మోస్ట్ ఎలిజిబుల్ బ్యాచ్‌ల‌ర్’ ను కూడా ఏప్రిల్‌లోనే విడుద‌ల చేయాల‌ని అనుక‌న్నారు. కానీ ఇప్పుడు మే నెల‌కు సినిమా వాయిదా ప‌డింది. ఇద్ద‌రు బ్ర‌ద‌ర్స్ త‌క్కువ వ్య‌వ‌ధిలోనే పోటీ ప‌డబోతున్నార‌ని సినీ వ‌ర్గాలంటున్నాయి. మ‌రి ఇద్ద‌రు బ్ర‌దర్స్‌లో ఎవ‌రు స‌క్సెస్ సాధిస్తారు? ఇద్ద‌రూ స‌క్సెస్ సాధిస్తారా? అని చూడాలంటే వెయిట్ చేయాల్సిందే.