தீபிகா படுகோன் படத்திற்கு ஒரு தியேட்டரையே புக் செய்த முன்னாள் முதல்வர்!
- IndiaGlitz, [Friday,January 10 2020]
ஜே.என்.யூ மாணவர்களின் போராட்டத்திற்கு ஆதரவு கொடுத்ததற்காக தீபிகா படுகோனேவின் ‘சப்பக்’ என்ற திரைப்படத்திற்கு ஒரு சிலர் எதிர்ப்பு தெரிவித்து வருகின்றனர். தங்கள் எதிர்ப்பை தெரிவிக்கும் வகையில் அவர்கள் முன்பதிவு செய்த டிக்கெட்டை கேன்சல் செய்தும், டிக்கெட்டுக்களை கிழித்தும் வருவதாக செய்திகள் வெளியாகி வருகிறது.
இந்த நிலையில் தீபிகாவின் இந்த செயலுக்கு பலர் ஆதரவு தெரிவித்து வருகின்றனர் என்பதும் குறிப்பிடத்தக்கது. மேலும் மத்திய பிரதேசம் மற்றும் புதுவை உள்பட ஒரு சில மாநிலங்கள் இந்த படத்திற்கு வரிவிலக்கு அளித்துள்ளது என்பது குறிப்பிடத்தக்கது.
இந்த நிலையில் உத்தரப் பிரதேச மாநில முன்னாள் முதல்வரும் சமாஜ்வாதி கட்சியின் தலைவருமான அகிலேஷ் யாதவ், தீபிகாவின் ’சப்பக்’ திரைப்படத்திற்காக ஒரு தியேட்டரின் அனைத்து டிக்கெட்டுக்களையும் முன் பதிவு செய்துள்ளார். இன்று அந்த திரைப்படம் வெளியாகும்போது அவர் தனது கட்சித் தொண்டர்களுடன் இந்தப் படத்தை தியேட்டரில் பார்க்க உள்ளார் என்பது குறிப்பிடத்தக்கது.
ஜே.என்.யூ கல்லூரி மாணவர்களுக்கு தீபிகா ஆதரவு அளித்தததை ஒரு குறிப்பிட்ட கட்சி பெரிது படுத்தியதால் இந்த படத்திற்கு அதிகபட்ச இலவச விளம்பரம் கிடைத்துள்ளது என்பது குறிப்பிடத்தக்கது.